MATEUS 26:55 - BIBEL JAMITA NA DENGGAN

⁵⁵ Dung i didok Jesus ma tu halak na bahat i, “Ro hamu laho manangkup Au maroban podang dohot potuk-potuk. Halak na jahat dehe Au lakna? Ganop ari do Au mangajari di Bagas Ni Debata hape nada ditangkup hamu Au!

MATEUS 26:55 Referans Kwoze

JOHANNES 8:2

Ancogotna i manyogot dope, kehe ma Ia mangulahi tu Bagas Ni Debata, jana bahat ma marroan halak mandapotkon Ia. Dung i juguk ma Ia, dipungka Ia ma mangajari halahi.

MARKUS 12:35

Jadi dompak na mangajari i Jesus di Bagas Ni Debata, disapai Ia ma, “Bia do pandok ni angka Siboto Surat i paboa na pinompar ni si Daud do Kristus i?

JOHANNES 7:28

Hatiha mangajari Jesus di bagasan Bagas Ni Debata, didok Ia ma, “Nian di tanda hamu do sanga ise Au jana diboto hamu sian dia harorongKu? Nada marhite roha-rohangKu sandiri umbaen na ro Au, tapi na nisuru ni Na Tigor i do Au, tapi nada ditanda hamu Ia.

JOHANNES 7:14

Di tonga-tonga ni pesta i masuk ma Jesus tu Bagas Ni Debata mangajari.

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MARKUS 10:1

Dung i morot ma Jesus sian i, kehe ma Ia tu Luat Judea dohot tu luat na di bariba ni Batang aek Jordan. Marroan ma mangulahi halak na bahat marrongom humaliang Jesus. Dung i diajari Jesus ma halahi songon na somal.

LUKAS 4:20

Dibalun Jesus ma mangulahi buku i laho paulakkon tu parkobas na disi, dung i juguk ma Ia. Sude ma halak na disi marsiligi tuSia.

LUKAS 19:47

Ganop ari do mangajari Jesus di bagasan Bagas Ni Debata. Tapi anggo kapala ni malim dohot angka Siboto Surat, songon i angka bagian hatobangon ni halak Jahudi i, dijalahi halahi do dalan laho mamunu Jesus.

LUKAS 20:1

Di sada ari dompak mangajari Jesus di Bagas Ni Debata, jana dijamitahon Ia Jamita Na Denggan tu halak na bahat i, ro ma angka kapala ni malim dohot Siboto Surat dohot hatobangon tusi,

JOHANNES 8:20

Sudena i didok Jesus, hatiha mangajari Ia di Bagas Ni Debata di lambung ni poti hepeng. Tapi sahalak pe nada adong na manangkup Ia, angke nada podo dapot hatihana.