MATEUS 26:48 - BIBEL JAMITA NA DENGGAN

⁴⁸ Ma dipaboa panghianat i hian tu halahi tandana, “Sanga ise na huumma, i ma Ia. Tangkup hamu ma!”

MATEUS 26:48 Referans Kwoze

MARKUS 14:44

Madung dipaboa panghianat i hian sanga aha tandana tu halahi. “Sanga ise na huumma, i ma ibana halakna. Tangkup hamu ma manigor, togu oban hamu.”

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

MATEUS 26:47

Mangkatai dope Jesus, ro ma si Judas, i ma sahalak sian anak siseanNia na dua bolas i. Ro muse ma rap dohot ia bahat halak maroban podang dohot potuk-potuk. I ma angka na nisuru ni angka kapala ni malim dohot angka hatobangon ni halak Jahudi.

MATEUS 26:49

Disi lalu tu inganan i, manigor didapotkon si Judas ma Jesus. Ning ia ma, “Horas ma di Guru i!” Diumma ia muse ma Jesus.