MATEUS 26:35 - BIBEL JAMITA NA DENGGAN

³⁵ Dialusi si Petrus ma, “Sugari pe angkon tarpaksa mate au rap dohot Ho Tuhan, nada na dohononku na so hutanda Ho Tuhan!” Songon i ma dipandok sude anak sisean na asing i.

MATEUS 26:35 Referans Kwoze

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

JOHANNES 13:37

Didok si Petrus ma tuSia, “Biasi nada tarihutkon au Ho saonnari Tuhan? Ra do au mate humopkop Ho Tuhan!”

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

1 KORINTUS 10:12

Sanga ise na mangetong dirina togu jongjong, dijagohon ia ma anso ulang sanga tinggang ia.

PODA 29:23

Na laho madabu do siginjang roha sipasangapon do halak na toruk roha.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

HARURUAR 19:8

Jadi rap mangalusi ma sude bangso i, “Patulusonnami ma sude na nidok ni Tuhan i,” ning halahi mangalusi. Jana dipalalu si Musa ma alus on tu Tuhan.

MATEUS 10:33

Tapi sanga ise na mamorso Au di jolo ni halak, i ma na so paboahon na mangihutkon Au do ia, Au pe porsoonKu ma ia di jolo ni Damang na di banua ginjang i.”