MATEUS 26:27 - BIBEL JAMITA NA DENGGAN

²⁷ Dung i, dibuat Ia ma sada panginuman ni anggur, didok Ia ma tarimakasi tu Debata. Dung i dilehen Ia ma panginuman i tu angka anak siseanNia i, didok Ia ma dohot hataNa, “Sude ma hamu minum sian on.

MATEUS 26:27 Referans Kwoze

1 KORINTUS 10:16

Nada he panginuman hatarimakasion do on, na marhite i tadok tarimakasi, i ma na patuduhon na dung sada do hita hara ni mudar ni Kristus i? Jana nada he roti na tabagi-bagi i do na patuduhon hasadaonta di bagasan pamatang ni Kristus i?

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

LUKAS 22:20

Laing songon i ma dung sidung mangan, dilehen Ia ma panginuman i, tu halahi jana didok Ia ma, “Anggo anggur on, i ma parjanjian na imbaru sian Debata, na nicap dohot mudarKu, mudar na niduruskon hara ni hamu].”

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

ENDE NA GODANG 7:9

Pangkobarionmu tonggi songon anggur! Durus tu haholonganku ma nian anggur i marlobi-lobi di bibirna dohot pamangannia i.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

MASMUR 116:13

Obanonku ma anggur baen haul di Tuhan mandok tarimakasi hara ni pangurupiNa.

MATEUS 15:36

Dung i dibuat Ia ma roti na pitu i dohot ihan i. Didok Ia tarimakasi, diponggoli Ia ma roti i dohot ihan i, dileheni Ia ma tu angka anak siseanNia i. Dibagi-bagihon halahi ma tu halak na bahat i.

MATEUS 26:26

Hatiha na mangan i halahi dibuat Jesus ma roti. Dipasahat Ia ma tangiang mandok tarimakasi. Dung i dilehen Ia ma roti i tu angka anak siseanNia i, didok Ia ma dohot hataNa, “Jagit, jana pangan hamu ma, on ma pamatangKu.”

MATEUS 26:28

Angke on ma mudarKu na gabe jaminan ni parjanjian ni Debata. Niduruskon do mudarKon hara ni bahat halak, gabe hasesaan ni dosa.