MATEUS 26:21 - BIBEL JAMITA NA DENGGAN

²¹ Jadi hatiha na mangan i halahi mandok hata ma Jesus, “Tangihon hamu jolo: Sahalak sian hamu giot manghianat tu Au.”

MATEUS 26:21 Referans Kwoze

JOHANNES 13:21

Dung didok Jesus songon i, marsak sajo ma rohaNia di bagasan. Dung i torus torang ma didok Ia, “Tutu do na Hupaboa on tu hamu: Sahalak sian hamu giot manghianati tu Au.”

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MATEUS 26:22

Dung dibege angka anak siseanNia na nidokNia i, gabe marsak sajo ma halahi. Marsisapai ma halahi tu Jesus, “Na he nada Au na nidokMu Tuhan?”

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 13:22

Marsiligian ma angka siseanNia i di bagasan pangkilalaan na so martontu. Nada diboto halahi sanga ise na nidokNia.