MATEUS 26:18 - BIBEL JAMITA NA DENGGAN

¹⁸ Dialusi Jesus ma, “Kehe ma hamu tu kota manopot sada halak disi. Dokkon hamu ma tusia, ‘Ninna Guru i, ma dapot hatihana di Au. Giot di bagasmon do Au marpaskah rap dohot angka anak siseanKu.’ ”

MATEUS 26:18 Referans Kwoze

JOHANNES 7:6

Jadi dialusi Jesus ma, “Nada hatihana dope anggo di Au, tapi anggo di hamu tongtong do dapot hatihana.

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 7:30

Jadi dirohahon halahi ma giot manangkup Ia, tapi inda adong na puluk manjama Ia, angke nada dapot dope hatihaNa.

JOHANNES 7:8

Hamu sajo ma jolo kehe tu pesta i. Anggo Au indangkon ma sai kehe tusi, angke nada hatihana dope di Au.”

JOHANNES 12:23

Dung i didok Jesus ma tu halahi, “Madung dapot hatihana pasangapon Anak Ni Jolma i.

LUKAS 22:53

Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

JOHANNES 11:28

Dung didok si Marta songon i, kehe ma ia marpio si Maria angginia i jana dihusipkon ia ma, “Madung dison Guru i, dipiohon Ia do ho.”

MARKUS 5:35

Taran mangkobari dope Jesus, ro ma angka suruan sian bagas ni si Jairus, mandok tu si Jairus, “Ma jumolo boru ni tuan i.” “Aha dope gunana lojaan Guru i?”

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MATEUS 23:10

Dung i muse, ulang ra hamu dipio halak ‘Kapala’, harana hum sada do Kapalamunu i ma Kristus na nijanjihon ni Debata i.

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MATEUS 21:3

Muda adong halak na mandok sanga aha tu hamu, dok sajo ma tusia, ‘Porlu di Tuhan i,’ manigor paloasonNia do halode i obanonmunu.”

JOHANNES 20:16

Ninna Jesus ma tu si Maria, “Maria!” Dung i manaili ma si Maria tu Jesus jana didok ia ma di hata Ibrani, “Rabbuni!” (astuanna “Guru”).

MATEUS 26:49

Disi lalu tu inganan i, manigor didapotkon si Judas ma Jesus. Ning ia ma, “Horas ma di Guru i!” Diumma ia muse ma Jesus.

MATEUS 26:19

Dioloi angka anak siseanNia i ma songon na nisuruhon ni Jesus tu halahi. Kehe ma halahi paradehon panganon Paskah i.