MATEUS 25:5 - BIBEL JAMITA NA DENGGAN

⁵ Honok ma bayo pangoli i anso ro, gabe mamungka ma mondohondok bujing-bujing i lopus tarpodom be.

MATEUS 25:5 Referans Kwoze

HABAKUK 2:3

Suratkon ma i, angke nada saonnari dope hatihana. Tapi manigor ro ma hatihana i, jana musti tarjadi sanga aha na Hudokkon i tu ho. Haru pe laing honok dope idaon, tapi painte sajo ma! Pasti do ro hatiha ni i jana nada dipalambat-lambat.

LUKAS 20:9

Dipaboa Jesus dope umpama on tu angka jolma i, “Adong ma sada bayo nampuna kobun anggur. Dipabolahon ia ma kobun i tu piga-piga halak pamola di na laho kehe ia tu inganan na asing jana disi ma ia maringanan honok sajo.

MATEUS 24:48

Tapi muda jahat do naposo i, didok ia di bagasan rohania,

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

MATEUS 25:19

“Dung honok, mulak ma tuan ni halahi i jana dipungka ia ma mambaen paretongan tu halahi.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

SURAT NI SI PAULUS TU PARLAGUTAN ROM 13:11

Tamba ni sudena i, sude do hamu umbotosa taringot tu hatiha on, on ma hatiha na tama anso tarsunggul hita sian na modom. Angke madung dumonok saonnari hatihana di hita anso malua, sian dompak di na mamungka hita porsaya.

LUKAS 18:8

Hudok ma di hamu! Manigor belaonNia do parkaro ni halahi! Tapi laing adong dope he haporsayaan di portibi on saulahon muda ro Anak Ni Jolma i.”

MATEUS 26:43

Dung i mangulahi ma Jesus ro. Didapot Ia, ma laing modom do angka anak siseanNia i. Songon na so tarbuka be mata ni halahi hara ni nonona dihilala halahi.

MATEUS 26:40

Dung i mulak ma Jesus mandapotkon anak siseanNia na tolu i. Ma tarpodom halahi didapot Ia. Didok Ia ma tu si Petrus, “Na he tarbaen hamu jonggor rap dohot Au, hum sajom pe?

ENDE NA GODANG 5:2

Hupapodom, hape nada mago rohangku; huipi do manoktok di pintu haholonganku, mandok. “Na uli di au, darapatingku, masuk ma au; ma maraek ulungku hara ni ombun dohot samon.”

ENDE NA GODANG 3:1

Dompak borngin di podomanku, huipi do salaho tu hasoloan ni rohangku. Hujalahi ia, hape nada dapot au.

HALUMBAAN 2:25

Tapi tiop hamu ma na adong di hamu lopus ro Au.

MATEUS 25:4

Dioban si lima halak na marroha i ma lampu ni halahi tapi laing dioban halahi do miak managam betak sai hurang.

MATEUS 25:6

Dung tonga borngin, tarbege ma sora na pio-pio, ‘Ma ro bayo pangoli i! Beta ma taalo-alo!’ ninna.

LUKAS 1:21

Jadi laing tarpainte-inte ma halak i di si Zakaria. Homang ma halahi biasi songon i honokna ia di bagasan Bagas Ni Debata.

ENDE NA GODANG 5:3

Ma pola hubuka pakeanku; biasi dope pakeonku muse? Madung hubasu patku, biasi dope pakotoronku muse?