MATEUS 25:43 - BIBEL JAMITA NA DENGGAN

⁴³ Hatiha tarpunjung Au di sada-sada inganan, nada dijagit hamu Au di bagasmunu. Hatiha so marpakean Au, nada dilehen hamu pakeanKu. Marnyae Au dohot hatiha tarhurung, nada diligi hamu Au.’

MATEUS 25:43 Referans Kwoze

MATEUS 25:36

Di na so marpakean Au, diparabiti hamu do Au. Marnyae Au, diligi hamu do Au, di hatiha na tarhurung Au ro do hamu mangaligi Au.’

MATEUS 25:42

Angke di hatiha male Au nada dilehen hamu Au mangan. Hatiha manguas Au nada dilehen hamu Au minum.

MATEUS 25:44

Dung i dohonon ni halahi ma tuSia, ‘Andigan lakna hami ida Ho ale Tuhan male-malean sanga manguas, sanga tarpunjung di sada inganan, sanga na so marpakean, sanga marnyae, sanga tarhurung, jana nada hami urupi Ho Tuhan?’

HAKIM-HAKIM 19:15

Maradian ma halahi disi laho marborngin. Di na lalu i halahi disi, nada adong sahalak pe na ra manjagit halahi laho marborngin. Jadi gabe kehe ma halahi juguk di alaman godang i.

JOB 31:19

Muda tarpaida au halak na hurangan, na so tarbaen manobusi pakean hara ni hapogosan,

JEREMIA 23:2

Songon on do pandok ni Tuhan, Debata ni Israel taringot tu angka pamimpin na paula-ula manjagohon bangsoNa, “Nada tutu dijagohon hamu bangsongKu, madung dipasarsar hamu halahi jana diayak-ayak hamu do halahini. UhumonKu ma hamunu saonnari hara ni pambaenanmunu na jahat i.

JEHESKIEL 22:29

Mangicu dohot manangko do angka halak na kayo. Roha-roha ni halahi sajo do dibaen halahi tu halak na pogos jana mambuat untung do halahi sian halak sileban.

BAENON NI ANGKA RASUL 15:36

Nada sadia honok dung i, didok si Paulus ma tu si Barnabas, “Beta ma tatopoti mangulahi angka dongan sahaporsayaan di sude kota na dung tatopoti i nabaruon, tajamitahon ma disi hata ni Tuhan i, anso laing taida sanga na tarbia do pangalaho ni halahi,” ning ia.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.