MATEUS 25:36 - BIBEL JAMITA NA DENGGAN

³⁶ Di na so marpakean Au, diparabiti hamu do Au. Marnyae Au, diligi hamu do Au, di hatiha na tarhurung Au ro do hamu mangaligi Au.’

MATEUS 25:36 Referans Kwoze

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.

IBRANI 13:3

Ingot hamu ma angka halak na tarhurung, laing songon na dohot hamu tarhurung rap dohot halahi. Dohot angka na manaon pambaenan na so patut, ingot hamu ma halahi songon na dohot hamu manaonkon na songon i.

IBRANI 10:34

jana dohot do hamu mangkilalahon pardangolan ni angka halak na tarhurung. Jana di na hona rampas sude sinadonganmunu, jop do rohamunu manjagit sasudena i, angke diboto hamu do, laing adong dope di hamu na dao dumenggan na tahan salolot-lolotna.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

LUKAS 3:11

Ning si Johannes ma mangalusi, “Halak na marbaju dua angkon lehenonnia ma sada tu halak na so adong bajuna; songon i muse halak nampuna sipanganon, angkon bagihononnia ma i tu halak na asing.”

MATEUS 25:43

Hatiha tarpunjung Au di sada-sada inganan, nada dijagit hamu Au di bagasmunu. Hatiha so marpakean Au, nada dilehen hamu pakeanKu. Marnyae Au dohot hatiha tarhurung, nada diligi hamu Au.’

JEHESKIEL 34:4

Angka biri-biri na gale so jungada dipature hamu, na lilu dohot na mago nada dijalahi hamu anso dioban mangulahi. Mur jingar do pambaenmunu tu biri-birimunu i sudena.

JEHESKIEL 18:7

Nada jungada ia mangicu sanga manangko. Angka barang jaminan ni utang ni halak tusia sai dipaulak ia do. Halak na malean dilehen ia do mangan jana halak na so marpakean, dilehen ia do parabiton.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

JEHESKIEL 18:16

sanga manyosak sanga mangarampas sanga na ise pe. Angka barang ni halak na marutang tusia pe sai tongtong do dipaulak ia. Dilehen ia do mangan halak na malean jana halak na so marbaju dilehen ia pakean.

MATEUS 25:37

Gabe didok halahi na patuluskon lomo ni roha ni Debata ma, ‘Sadihari ma he hami ida Ho Tuhan male gabe hami lehen Ho mangan, sanga manguas gabe hami painum Ho Tuhan?