MATEUS 25:21 - BIBEL JAMITA NA DENGGAN

²¹ ‘Ma denggan i,’ ning tuan i, ‘ho ma ibana naposo na burju jana na denggan. Angke haposan do ho di na otik, hulehen ma pos ni rohangku tu ho taringot tu na umbahat. Dohot ma ho masuk marsonang-sonang rap dohot au!’

MATEUS 25:21 Referans Kwoze

MATEUS 25:23

‘Denggan ma i,’ ning tuan i, ‘ho ma ibana naposo na denggan jana na burju. Dibaen haposan do ho di na otik, laing pasahaton ma pos ni roha tu ho taringot tu na bahat. Masuk ma ho anso dohot marsonang-sonang rap dohot au!’

LUKAS 16:10

Sanga ise haposan di angka pangalaho na menek, haposan muse ma ia di angka pangalaho na godang. Tapi anggo halak na so jujur di angka pangalaho na menek, nada jujur muse i di angka pangalaho na godang.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

2 TIMOTEUS 2:12

Muda laing sobar hita, angkon laing mamarenta ma hita rap dohot Ia. Muda tatulak Ia, tulahonNia muse ma hita.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

JOHANNES 17:24

Madung dipasahat Damang halahi tu Au. Saonnari Hupangidohon ma tu Damang anso rap dohot Au halahi sanga di dia pe Au maringanan, anso diida halahi hasangapanKi, i ma hasangapan ni Damang na nilehenMi tu Au, angke na holong do roha ni Damang tu Au mamungka sian dompak so dijadihon dope portibi on.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”

SURAT NI SI PAULUS TU PARLAGUTAN ROM 2:29

Sabalikna do. Anggo halak Jahudi na tutu, i ma halak na marroha Jahudi; jana sunat na tutu, i ma sunat na di roha i na nibaen ni Tondi i, nada na nibaen marguru tu Tona na tarsurat i sajo. Sian Debata do ro pamujian tu halak na songon i nada sian jolma.

LUKAS 12:44

Tutu do na Hudok on tu hamu: Pabangkitonnia ma ia mangarajai artania sasudena.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 24:47

Tutu do, pasahaton ni tuan i ma tu naposonia i sude sinadonganna.

HALUMBAAN 21:7

Sanga ise halak na monang, jagitonnia ma sudena on sian Au. Au ma gabe Debatana jana ia ma gabe anakKu.

IBRANI 12:2

Tu Jesus ma tatatap, na manogu-nogu hita di bagasan haporsayaan, jana na maroban haporsayaanta i tu hasanggaman. Ditaonkon Ia do mate di hayu parsilang gonti ni jop ni roha na dung diparade diSia, jana juguk do Ia nuaeng di siamun ni habangsa ni Debata.

2 KORINTUS 10:18

Dibaen nada haposan dope na mamuji dirina, tapi na nipuji ni Tuhan i do.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

2 KORINTUS 5:9

Hara ni i manggogo ma hami parayakkon hasonangan ni rohaNia, sanga dompak di bagasnami on dope hami, sanga pe dung lalu di sadu.

PODA 14:35

Pagawe na malo dihasonangkon roha ni raja; tapi hona uhumna do na pailahon ia.

PODA 28:20

Halak na tigor, pasupasuon, tapi halak na mopop kayo, nada malua sian uhuman.

1 TIMOTEUS 3:13

Sanga ise angka na mangurupi di parlagutan i mur dipasangap halak do i jana mur puluk ma ia mangkobari tu halak, taringot tu haporsayaan ni halahi maradopkon Kristus.