MATEUS 25:17 - BIBEL JAMITA NA DENGGAN

¹⁷ Laing songon i muse ma na manjagit dua ribu hepeng perak i, maruntung ma ia dua ribu hepeng perak.

MATEUS 25:17 Referans Kwoze

EPESUS 5:16

Parkasayahon hamu ma sude hatiha na denggan na adong di hamu, angka na jahat do na masa di hatiha on.

1 PETRUS 4:10

Ganop be do hamu angka dongan manjagit silehen-lehen na paasing-asing sian Debata. Jadi hara ni i, songon parkobas na denggan di angka silehen-lehen ni Debata i, pake hamu ma angka silehen-lehen i anso marguna tu haporluanmunu sama hamu.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

KOLOSSE 4:17

Jana tonahon hamu ma tu si Arkippus, “Pasidung ma karejo na dilehen tu ho laho mangoloi Tuhan.”

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

BAENON NI ANGKA RASUL 10:2

Halak na mangkabiari Debata do ia jana sude do halahi sabagas sai marsomba tu Debata. Bahat do ditolong ia halak Jahudi na pogos-pogos jana sai martangiang do ia tu Debata.

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

2 SAMUEL 19:32

Ma matobang situtu si Barsilai, ma pola marumur ia salapan pulu taon. Na kayo situtu do ia jana salolot maringanan di Mahanaim raja i najolo, si Barsilai ma na paradehon sipanganon di raja i.

MATEUS 25:16

Jadi kehe ma manigor naposo na manjagit lima ribu i, marjagal. Gabe maruntung muse ma ia lima ribu hepeng perak.

MATEUS 25:18

Tapi anggo na manjagit na saribu i kehe ma ia mangkuar lubang di tano. Dionjapkon ia ma hepeng ni tuannia i tusi.”