MATEUS 25:16 - BIBEL JAMITA NA DENGGAN

¹⁶ Jadi kehe ma manigor naposo na manjagit lima ribu i, marjagal. Gabe maruntung muse ma ia lima ribu hepeng perak.

MATEUS 25:16 Referans Kwoze

2 TIMOTEUS 2:6

Partani na marsitutu markarejo, i do na patut parjolo dapotan suha ni na nisuanna.

BAENON NI ANGKA RASUL 13:36

Madung mate si Daud jana ditanom muse rap dohot angka ompunia, dung dibaen ia sanga aha na nisuruhon ni Debata baenonnia. Abis muse do sude malangke pamatang ni si Daud.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

JESAYA 49:23

Gabe songon ama di ho angka raja, jana angka ratu songon ina. Marsomba ma halahi tu ho lopus dais bohina tu tano jana mandilat abu ni patmu. Hara ni i botoonmu ma bahaso Au do Tuhan, angka halak na mararop ni roha di Au nada dipaila.”

1 JUJUR TAON 28:2

Jongjong ma si Daud di jolo ni halahi mandok hata, ning ia ma, “Hamu angka dongan sabangsongku, marsitangi-tangian ma hita jolo! Madung honok di bagasan rohangku laho pajongjong sada bagas batu inganan ni Poti Parjanjian i, sidegean ni pat ni Tuhan Debatanta. Madung hupasingkop na hasaya laho pajongjong sada bagas inganan parsombaan tuSia.

MATEUS 18:24

Dung dipungka ia na maretong dioban ma mangadop tusia sahalak naposonia i. Marutang ma naposonia i marjuta-juta,

MATEUS 25:17

Laing songon i muse ma na manjagit dua ribu hepeng perak i, maruntung ma ia dua ribu hepeng perak.

LUKAS 19:13

Tapi dompak so kehe ia, dipiohon ia ma sampulu halak naposonia jana dilehen ia ma tu halahi sada be hepeng sere. ‘Marjagal ma hamu, hepeng on ma pake hamu salolot so dison au,’ ning ia tu halahi.