MATEUS 25:13 - BIBEL JAMITA NA DENGGAN

¹³ Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

MATEUS 25:13 Referans Kwoze

1 TESSALONIKA 5:6

Hara ni i, nada tola tarpodom hita songon angka halak na asing i. Angkon tongtong do hita jonggor jana rohanta pe angkon torang.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

MATEUS 24:50

Ro ma tuannia i di ari na so diambangnia, dohot di jom na so diboto ni naposo i.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

BAENON NI ANGKA RASUL 20:31

Jadi hara ni i, marjago-jago ma hamu! Ingot hamu ma, tolu taon honokna arian na borngin mardongan ilu-ilu nada maradian au mangajari hamu pasada-sada.

MATEUS 25:12

Tapi dialusi bayo pangoli i ma, ‘Inda hutanda hamu!’ ”