MATEUS 24:48 - BIBEL JAMITA NA DENGGAN

⁴⁸ Tapi muda jahat do naposo i, didok ia di bagasan rohania,

MATEUS 24:48 Referans Kwoze

MATEUS 18:32

Gabe dipiohon raja i ma naposo na jahat i, didok ma tusia, ‘Naposo na jahat! Ma husalosehon sude utangmu hara ni na marsomba-somba ho tu au.

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

JESAYA 32:6

Halak na bodo mandok hata ma i songon na bodo, jana na mambaen sangkap na jat. Sanga aha pe na nibaen sanga na nidoknia, laing matua palayaskon Tuhan do i. Na so unjung do ia mangalehen mangan di halak na malean sanga minum tu halak na manguas.

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

MARKUS 7:21

Angke sian bagasan ni sada-sada halak, i ma na sian rohania, marroan angka pikiran na jahat na mambaen ia gabe mambaen na rogon, manangko, mamunu,

PANGARATAION 9:4

Dung dipaorot Tuhan Debatamunu i halahi hara ni hamu, ulang dokkon hamu muse tu dirimunu sandiri, dioban Ia pe hamu tusi anso hamu nampuna tano i, hara ni na burju hamu jana dipatulus hamu hagiot ni Tuhan gabe patut ma hamu manjagitsa. Nada songon i! Dipaorot Tuhan pe angka bangso i di hamu, hara ni na jahat do halahi.

BAENON NI ANGKA RASUL 8:22

Jadi hara ni i pauba ma rohamu na jahat i jana pangidohon ma tu Tuhan anso diampuni Ia rohamu na jahat i!

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.

MATEUS 25:26

‘Ho ma naposo na jahat jana na losok!’ ning tuan i. ‘Inda he diboto ho, hubuat do parbatu sian na so husuan, dung i hubuat do suha sian na so husabur?

JEHESKIEL 12:27

“Ale anak ni jolma, pandok ni angka halak Israel, anggo parnidaan dohot alatanmi, honok sajo dope i baru anso tarjadi.

JEHESKIEL 12:22

“Ale anak ni jolma, biasi sai tagi dihilala halak Israel mandok umpama on: ‘Margonti ari, hape angka alatan nada unjung tarjadi?’

PARJAMITA 8:11

Biasi songon i momona halak mambaen hajahatan? Hara ni na so manigor do dilehen uhuman.

2 RAJA-RAJA 5:26

Tapi didok si Elisa ma, “Disi do rohangku dompak na mijur i si Naaman sian karetania mandapotkon ho. Nada tingkina songon on dapotan hepeng, dohot manobusi kobun zetun, kobun anggur, biri-biri dohot lombu bope angka hatoban!

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

MATEUS 24:47

Tutu do, pasahaton ni tuan i ma tu naposonia i sude sinadonganna.

MATEUS 24:49

‘Honok dope anso mulak tuanki,’ gabe dipungka ia ma mambalbali angka naposo na asing i, jana angka mangan dohot minum-minum ia dohot halak na asing.