MATEUS 24:46 - BIBEL JAMITA NA DENGGAN

⁴⁶ Martua ma sada naposo na topet mangkarejohon karejona diharoro ni tuanna.

MATEUS 24:46 Referans Kwoze

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

LUKAS 12:43

Martua ma antong naposo na patulus karejona didapot tuanna na baru ro i.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

HALUMBAAN 2:19

Huboto do sude pambaenanmunu dohot holong ni rohamunu dohot pangoloionmunu dohot haporsayaanmunu dohot pohom ni rohamunu. Na umbahat do pambaenanmunu na parpudi on sian na parjolo i.

MATEUS 25:34

Dung i dohonon ni Raja i ma hata tu angka na di siamunNia i, ‘Ro ma hamu angka na nipasupasu ni Damang. Masuk ma hamu tu bagasan harajaan na dung diparade di hamu mamungka sian na manompa portibi on.

MATEUS 24:45

“Antong ise ma naposo na burju jana na marroha, na niangkat ni tuanna gabe kapala ni sude naposonia na asing i; anso dilehen ia mangan angka naposonia i di hatihana?

MATEUS 24:47

Tutu do, pasahaton ni tuan i ma tu naposonia i sude sinadonganna.