MATEUS 24:43 - BIBEL JAMITA NA DENGGAN

⁴³ Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

MATEUS 24:43 Referans Kwoze

LUKAS 12:39

Ingot hamu ma i! Anggo diboto nampuna bagas do sanga sadihari ro panangko, jago ma ia di bagasnia i, nada loasonnia buharon bagas i.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

MATEUS 20:11

Hatiha na manjagit hepeng i halahi, mungut-ungut ma halahi tu nampuna kobun i.

PODA 7:19

Nada di bagas halaklahingku, topet do mardalanan ia tu na dao.

MATEUS 14:25

Jadi hatiha martahuak manuk, ro ma Jesus mardalan di ginjang aek i mandapotkon halahi.

MATEUS 24:42

Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 25:10

Gabe kehe ma bujing-bujing na oto i manobusi miak. Jadi taran na kehe i halahi, lalu muse ma bayo pangoli i. Masuk ma bujing-bujing na marroha i rap dohot bayo pangoli i tu bagas parpestaan i. Ditutup ma pintu i!

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

MARKUS 6:48

Diida Jesus ma halahi loja sajo mandayung parau i hara ni haroro ni alogo na maralo tu pardalan ni parau i. Jadi gabe ro ma Jesus mandapotkon halahi dompak samon dope ari, mardalan di ginjang ni aek i. Tar dipaula-ula Ia ma songon na giot manyalpui halahi.

MARKUS 13:35

Hara ni i angkon jonggor ma hamu angke nada diboto hamu sanga na andigan nampuna bagas i mulak. Sanga na andospotang, betak na tonga borngin, ra do andostorang sanga di hananaek ni mataniari.

LUKAS 12:38

Jana muda ro ia di tonga borngin, sanga di andostorang, laing tong rade paintehonsa, jadi martua ma halahi.

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

JOB 24:16

Mambuhar bagas ma panangko di borngin ni ari; mandao ma ia sian na torang di arian lalu kehe martabuni.