MATEUS 24:42 - BIBEL JAMITA NA DENGGAN

⁴² Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 24:42 Referans Kwoze

LUKAS 21:36

Hara ni i tongtong ma hamu marjago jana martangiang anso taradopi hamu sude pangalaho na giot tarjadi i, jana tarbaen hamu ma mangadop tu Anak Ni Jolma i.”

1 TESSALONIKA 5:6

Hara ni i, nada tola tarpodom hita songon angka halak na asing i. Angkon tongtong do hita jonggor jana rohanta pe angkon torang.

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

MATEUS 24:36

“Umpe sahalak umboto sanga andigan do arina dohot jomna. Angka surusuruan na di banua ginjang i pe nada diboto halahi i. Anak i sandiri pe nada diboto Ia. Hum Damang sajo do na umboto i.

SURAT NI SI PAULUS TU PARLAGUTAN ROM 13:11

Tamba ni sudena i, sude do hamu umbotosa taringot tu hatiha on, on ma hatiha na tama anso tarsunggul hita sian na modom. Angke madung dumonok saonnari hatihana di hita anso malua, sian dompak di na mamungka hita porsaya.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

MATEUS 25:10

Gabe kehe ma bujing-bujing na oto i manobusi miak. Jadi taran na kehe i halahi, lalu muse ma bayo pangoli i. Masuk ma bujing-bujing na marroha i rap dohot bayo pangoli i tu bagas parpestaan i. Ditutup ma pintu i!

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.