MATEUS 24:36 - BIBEL JAMITA NA DENGGAN

³⁶ “Umpe sahalak umboto sanga andigan do arina dohot jomna. Angka surusuruan na di banua ginjang i pe nada diboto halahi i. Anak i sandiri pe nada diboto Ia. Hum Damang sajo do na umboto i.

MATEUS 24:36 Referans Kwoze

MARKUS 13:32

“Tapi haru pe songon i, nada adong sahalak pe na umboto sadihari hatihana. Angka surusuruan na di banua ginjang i pe dohot Anak i pe nada diboto i. Hum Ama i sajo do na umboto i.

BAENON NI ANGKA RASUL 1:7

Dialusi Jesus ma, “Damang do na umboto taringot tu ari dohot hatiha ni i. Nada porlu botoonmunu i, angke kuaso ni Damang do i.

MATEUS 24:44

Hara ni i, angkon tongtong do hamu hobas. Angke ro ma Anak Ni Jolma i, di hatiha na so pamotoanmunu do Ia ro.”

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

MATEUS 24:42

Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 25:13

Jadi dipaujung Jesus ma umpamaNia i, ning Ia ma, “Hara ni i, jonggor ma hamu, angke nada diboto hamu arina sanga hatihana.”

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.

ZAKARIA 14:7

tapi di sada ari – holan Tuhan do umbotosa – nada adong pargontian ni arian dohot borngin, jana borngin i gabe arian.