MATEUS 23:7 - BIBEL JAMITA NA DENGGAN

⁷ Na jopan roha ni halahi ditabi halak di poken, muda didok halak tu halahi ‘Gurunami’.

MATEUS 23:7 Referans Kwoze

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 20:16

Ninna Jesus ma tu si Maria, “Maria!” Dung i manaili ma si Maria tu Jesus jana didok ia ma di hata Ibrani, “Rabbuni!” (astuanna “Guru”).

JOHANNES 6:25

Dung marsuo halahi dohot Jesus di ipar ni dano i, disapai halahi ma tuSia, “Ale, Rabbi sadihari dehe Ho lalu tuson?”

JOHANNES 3:26

Didapotkon halahi ma si Johannes jana disapai halahi ma, “Rabbi, jolma na rap dohot ho, na di ipar ni Batang aek Jordan i, na dung nisaksihonmi, mandidihon muse do Ia saonnari, jana marroan sude halak tuSia!”

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

MARKUS 10:51

“Aha do lakna dipangido rohamu baenonKu tu ho?” ninna Jesus manyapai ia. Dialusi bayo na mapitung i ma, “Marnida ma nian au, Guru!”

MARKUS 9:5

Gabe didok si Petrus ma tu Jesus, “Tabona i hita na dison on, Guru! Bia hami baen ma tolu undung-undung dison, sada ma di Ho, sada di si Musa, sada nari muse di si Elia.”

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MATEUS 11:16

Saonnari, tar tu aha ma ulaning Hupatudos halak na adong saonnari? Tudos tu dakdanak na juguk di poken marsipio-pioan.

MATEUS 26:25

Dung i didok si Judas panghianat i ma, “Tontu nada au na nidok ni Guru i?” Dialusi Jesus ma, “Madung didok ho i!”

MATEUS 26:49

Disi lalu tu inganan i, manigor didapotkon si Judas ma Jesus. Ning ia ma, “Horas ma di Guru i!” Diumma ia muse ma Jesus.

MARKUS 11:21

Jadi diingot si Petrus ma sanga aha na nidok ni Jesus tu hayu i. Gabe didok si Petrus ma tu Jesus, “Diligi Guru i ma jolo! Ma pungguron gala-gala na niburaanMi!”

MARKUS 12:38

Didok Ia disi, “Jamot ma hamu adop angka Siboto Surat i. Na torus do halahi mardalan-dalan mamake baju na ginjang. Na jopan do muse roha ni halahi muda ditabi halak di poken.

MARKUS 14:45

Jadi hatiha na ro i si Judas, manigor didapotkon ia ma Jesus, didok ia ma, “Gurunami!” dung i diumma ia ma Jesus.

LUKAS 11:43

Marjaya ma hamu halak Parise, harana jop do rohamunu manjuguhi juguhan na sumurung di bagas paribadatan dohot diparsantabi ni halak na di poken.

JOHANNES 4:31

Jadi laing di hatiha i, disuru angka siseanNia i ma anso mangan jolo Jesus, “Mangan ma jolo Rabbi,” ning halahi.

JOHANNES 9:2

Disapai angka siseanNia i ma tu Jesus, “Ale Guru, ise do na mardosa, bayo on do sanga simatobangna, dibaen na mapitung ia sorang?”

JOHANNES 11:8

Dialusi angka siseanNia i ma, “Baru dope, na giot didangguri ni halak Jahudi i Guru i dohot batu, hape saonnari giot mangulahi ma Guru i tusi?”