MATEUS 23:38 - BIBEL JAMITA NA DENGGAN

³⁸ Anggo on angkon tinggalkonon ma angka bagasmu, gabe mamolngit.

MATEUS 23:38 Referans Kwoze

JEREMIA 22:5

Tapi muda nada dioloi hamu angka na Huparentahon, jadi marsumpa do Au bahaso bagas godang on angkon gabe mangkatapor. Au Tuhan, madung mandok songon i.

LUKAS 13:35

Angkon tarulang noma sude bagasmunu. Jana nada idaonmunu be Au, lopus tu hatihana dokkononmu, ‘Dipasupasu ma na ro markite-hite goar ni Tuhan.’ ”

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

LUKAS 21:20

“Muda diida hamu dihobuk angka tentara kota Jerusalem, manigor botoonmunu ma sian i na so sadia lolot nari be, roncohononkon ma kota i.

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

1 RAJA-RAJA 9:7

gabe paruaronKu ma bangsongKu Israel sian luat na dung Hulehen di halahi. Au pe tinggalkononKu ma bagas parsombaan na dung Hudokkon gabe inganan na dung mardohonan laho marsomba tu Au. Sanga didia pe halak Israel angkon dilayasi jana dipartatai halak.

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

ZAKARIA 11:6

“Nada ra be Au maribo ni roha mida sanga ise pe di luat on. Au sandiri pasahatkon sude halak na di luat on tu angka na markuaso. Luntahon ni halahi ma luat on, jana nada rampasonKu i sian kuaso ni halahi.”

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

MASMUR 69:24

Palalu ma da hamumurukMu tu halahi, sai didondoni rimasMu ma nian halahi.

MASMUR 69:25

Pasidung ma halahi sudena, lopus mamolngit parundung-undunganna.

JESAYA 5:9

Hubege do didok Tuhan Na Markuaso i, “Anggo angka bagas na godang-godang jana na jeges-jeges on, marumar noma i sudena nada adong be manginganisa.

ZEPANYA 3:6

“Ma pola bahat angka bangso na mago Hubaen; Huroncohon angka tugu ni halahi na gincat i, Husegoi dalanna lopus nada adong be pamolus, madung dipagariang kota ni halahi nada adong be pangisina.”