MATEUS 23:37 - BIBEL JAMITA NA DENGGAN

³⁷ “Jerusalem, Jerusalem! Dibunu ho do angka panurirang, didangguri ho do dohot batu angka na nisuru ni Debata tu ho! Ma pola piga noli dihalungunkon rohangKu laho manghaol sude halak na mangingani ho songon pambaen ni inang ni manuk manggobak angka anakna di toru ni habongna, hape nada ra hamu!

MATEUS 23:37 Referans Kwoze

RUT 2:12

Sai dibalos Tuhan ma hadenggananmi. Jana hara ni na dung ro ho marsilaung tu Tuhan, Debata ni Israel, sai dilehen Ia ma antong parlinggoman sagokgokna di ho!”

MASMUR 91:4

SaonganNia ma ho dohot habongNia, gabe sonang ma ho di linggomanNia. Jagohonon jana ondihononNia ma ho marhite habonaranNia.

MASMUR 17:8

Ondingi au, songon pangondingiMu di anak ni mata, bunihon au tu bagasan parsilaungan ni habongMu,

MASMUR 36:7

Na arga ma da antong holong ni rohaMu na manongtong i ale Debata, marlinggom di toru ni habongMu do hami.

NEHEMIA 9:26

Hape mangalo do bangsoMi jana nada mangoloi tu Ho, uhumMu dohot aturanMu dipasiding do, dibunu do angka panurirang na paingotkon halahi, anso mulak tu Ho Debatana, nian halahi. O Tuhan, laing marpupu ma i Ho dipalayas halahi.

MASMUR 63:7

angke Ho do antong na mangurupi au, marriang-riang au marende di linggom ni habongMu.

JEREMIA 35:15

Torus do marpupu Husuru naposongKu, sude angka panurirang tu hamu, jana madung dipaingot halahi hamu laho padenggankon pangalahomunu jana anso mantak hamu mambaen jahat. Dipaingot halahi do hamu anso ulang mamele tu angka debata jana anso ulang mangoloi tu halahi, anso tarbaen hamu torus maringanan di luat na dung Hulehen on tu hamu dohot tu ompumunu. Hape nada ra hamu mamparrohahon jana nada ra hamu manangihon.

MATEUS 23:30

Didok hamu muse ma, ‘Sugari mangolu hami di hatiha ni angka ompunami na jolo, nada pola dohotannami halahi mambunu angka panurirang i.’

MATEUS 22:3

Disuruhon raja i ma angka naposona laho mangalap angka halak na niontangnia tu horja i. Hape inda ra ro angka na niontangna i.

MATEUS 5:12

Jop ma rohamunu jana marolop-olop ma hamu, angke godang do upamunu di banua ginjang, dibaen laing songon i do diayak-ayak halahi angka panurirang na jumolo sian hamu.”

HOSEA 11:2

Tapi mur Hupioi anakKi mur mandao do ia sian Au. Dioban ia haul jana ditutung ia dupa di Baal dohot di angka debata na asing.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

1 TESSALONIKA 2:15

Halak Jahudi i do na mamunu Tuhan Jesus dohot angka panurirang, hami pe diparkanciti halahi muse do. Sai torus do dialo halahi Debata jana gabe musu ni sude jolma do halahi!

JEREMIA 44:4

Sai torus do marpupu Husuru naposongku angka panurirang, na mangorai hamu mambaen hajahatan na Huhagigihon i.

MATEUS 22:6

na asing i ditangkup halahi muse dope angka naposo ni raja i. Dung dibalbali, dibunu ma halahi.

ZAKARIA 1:4

Ulang ma hamu songon angka ompumunu i. Narobi dipalalu angka panurirang do tonangKu tu halahi anso ulang be nian sai mambaen na jahat halahi dohot mambaen dosa. Hape nada diterge halahi jana nada ra halahi mangoloi Au.

HOSEA 11:7

dohot hara ni jogal ni rohana laho manadingkon Au. Jadi gabe tarpisat ma halahi, tapi nada adong na paluahon haru pe marsurak halahi mangido tolong.”

JEREMIA 26:23

Dung i dioban halahi ma ia mulak mangulahi tu Raja Joyakim. Dung i disuru raja i ma anso dibunu ia, jana diambungkon bangkena i tu kuburan ni halak na bahat.

JEREMIA 6:8

O hamu halak Jerusalem gabe pangajaran ma nian tu hamu sude hasusaan i! Ulang jabat Hutadingkon hamu jana kotamunu i nada diingani halak.”

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

JESAYA 50:2

Biasi nada adong na ro umpe sahalak sian bangsongKi, di na ro Au marpio halahi? Adong he na so sanggup Au dietong roha ni halahi paluahonsa umbaen na sip sajo halahi? Nada he sumurut aek ni laut hara ni parentangKu, Hupauba batang aek gabe padang manyahatang, gabe mate ihan sudena?

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

LUKAS 15:28

I noma murukna anak siangkaan i, gabe nada ra ia masuk tu bagas. Jadi ruar ma simatobangnia i laho mangkatai dohot ia.

JESAYA 5:4

Adong dope he ulaning na so Hubaen tu kobun anggurKi? Hape biasi ma angka na mancom batuna i jana nada denggan songon na niarop ni rohaniba?

JEREMIA 32:31

Mamungka dipajongjong kota on, na dung sun do muruk ni rohangKu dibaen halak kota on. Na dung diputuskon humani do laho patimpaskon halahi,

JEREMIA 36:26

Mur disuru do tehe si Jerahmeel anak ni raja i rap dohot si Seraya anak ni si Asriel dohot si Selemia anak ni si Abdiel anso manangkup au dohot si Barukh juru tuliski. Tapi ditabunihon Tuhan hami.

HOSEA 7:13

Marjaya do halahi hara ni na nitadingkon ni halahi Au. Angkon maropuk halahi hara ni na mangalo tu Au. Sai giot paluaonKu do nian halahi, tapi margabus do halahi tu Au.

MATEUS 23:31

Jadi, dioku hamu sandiri do, pomparan ni angka sibunu panurirang hamu!