MATEUS 23:35 - BIBEL JAMITA NA DENGGAN

³⁵ Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

MATEUS 23:35 Referans Kwoze

ZAKARIA 1:1

Di bulan pasalapankon taon paduahon hatiha mamarenta Raja Darius, dipalalu Tuhan ma hataNa tu Panurirang Zakaria, anak ni si Berekia anak ni si Ido songon on,

IBRANI 11:4

Hara ni na porsaya, gabe dihaulkon si Abel do tu Debata haul na dumenggan ulang pado haul na nihaulkon ni si Kain. Hara ni haporsayaannia i, dijagit Debata do si Abel gabe songon halak na dumenggan; angke tangkas do i tarida di na nijagit ni Debata na nihaulkonnia i. Madung mate nian si Abel, tapi hara ni haporsayaannia i, gabe mangkobari dope ia lopus tu sadari on.

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

HALUMBAAN 18:24

Jana di bagasanna adong do mudar ni angka panurirang dohot angka halak na badia dohot mudar ni sude halak na nibunu di tano on.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

2 RAJA-RAJA 24:4

lumobi ma i hara ni pamunuon na nibaennia maradopkon angka halak na so marsala, inda ra Tuhan manyesa dosa ni Manase hara ni angka pambaenanna.

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

IBRANI 12:24

Diadopi hamu do Jesus pandomui na mambaen janji na imbaru i; diadopi hamu do mudar pamispison na gabe jaminan ni angka na dao dumenggan sian na nijamin ni mudar ni si Abel.

LUKAS 11:51

Mamungka sian hamamate ni si Abel lopus tu hamamate ni si Zakaria, na nibunu di holang-kolang ni langgatan dohot Inganan Na Badia. Olo tutu, ‘Hudok ma tu hamu angkon tuntuton ma i tu halak sisaonnari on.

JEREMIA 26:23

Dung i dioban halahi ma ia mulak mangulahi tu Raja Joyakim. Dung i disuru raja i ma anso dibunu ia, jana diambungkon bangkena i tu kuburan ni halak na bahat.

JESAYA 26:21

Na giot mijur ma Tuhan sian ingananNa di banua ginjang laho manguhumi pangisi ni tano on hara ni dosa ni halahi. PatorangonNa ma sude pamunuon na nibaen ni halahi di na buni. Nada tutup-tutupan ni tano i be angka na mate hona bunu i.

JEREMIA 2:34

Hodar do pakeanmunu hara ni mudar ni halak na pogos dohot na so marsala, nada hara ni mudar ni panangko. Tapi haru songon i pe,

JEREMIA 2:30

Nada marguna hamu Hubaen hona uhum, angke na so targorahon do hamu. Songon singa na mangamuk, songon i ma hamu mamatehon angka panurirangmunu.

BILANGAN 35:33

Muda dibaen hamu songon i, hamu do mangaramuni tano na niingananmunu i. Pamunuon mangaramuni luat, jadi nada adong pangalaho na asing laho paias luat i lobi sian na mambuat hosa ni sipamunu i.

JESAYA 14:21

Pungkaon ma na mambante! Marmatean ma angka anakmu hara ni dosa ni ompu ni ompumu. Umpe sahalak be sian halahi na giot mamarenta di tano on sanga mamungka angka kota.”

JEREMIA 26:8

Disi hupabotohon sude tona ni Tuhan songon na niparentahonNia i tu au, manigor ditangkup halahi ma au lalu marsurahi halahi, “Angkon mate ho!

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”