MATEUS 23:16 - BIBEL JAMITA NA DENGGAN

¹⁶ Marjaya ma angka pamimpin na mapitung! Diajarkon hamu ma songon on, ‘Muda marsumpa halak mangasahon Bagas Ni Debata, gabe inda tarihot ia tu sumpania i, tapi muda marsumpa ia mangasahon sere na di Bagas Ni Debata i, gabe tarihot ma ia tu sumpania i.’

MATEUS 23:16 Referans Kwoze

MATEUS 15:14

Padiar hamu ma halahi. Angke panogu na mapitung do halahi, na manogu na mapitung. Muda di togu na mapitung halak na mapitung, madabu do halahi na dua tu lubang i.”

MATEUS 23:24

Angka pamimpin na mapitung do hamu! Lanok na di panginumanmunu do disaring hamu hape unto dibondut hamu!

MATEUS 23:17

Na oto do hamu, angka na mapitung ma antong! Dia do ummarga sere i ulang pado Bagas Ni Debata na paiaskon sere i?

JAKOBUS 5:12

Anggo na ummarga hamu angka dongan, on do: Ulang hamu marsumpa sanga pe maradopkon langit bope tu tano on sanga maradopkon bagi aha pe tehe. Dok sajo ma “Olo” muda olo, jana “Nada” muda nada, anso ulang didabu Debata uhuman tu ho.

MATEUS 23:26

Hamu angka Parise na mapitung! Jolo basu ma mangkukmu dohot pingganmu sian bagasan anso ias muse sian duru!

MATEUS 23:19

Na santak ma antong pitungmunu! Dia do na ummarga? Na nisombahon i do sanga inganan parkaulan i na mambaen ias na nisombahon i?

GALATIA 5:3

Sanoli nari hupaingot sanga ise na mangido marsunat, angkon dalankononna do sudena Tona i.

JESAYA 9:16

Madung dipalilu jana digaor angka pamimpin ni bangso i rayat i.

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [