MATEUS 22:45 - BIBEL JAMITA NA DENGGAN

⁴⁵ Jadi muda didok si Daud ‘Tuan’, Kristus i, tarbia muse ma parjadi ni i pomparan ni si Daud Ia?”

MATEUS 22:45 Referans Kwoze

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”

JOHANNES 8:58

Dialusi Jesus ma, “Tutu do na Hudok di hamu: Dompak so sorang dope si Abraham, madung adong hian Au.”

IBRANI 2:14

Angke anggo angka halak na nidokNia i dakdanakNia, i ma angka mudar dohot sibuk, gabe sarupa ma Jesus sandiri dohot halahi jana mangolu songon pangalaho ni jolma sarupa dohot halahi. Songon i pe pambaenNia, anso ditaluhon Ia do Sibolis i na maniop kuaso ni hamatean i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

MATEUS 22:44

‘Madung didok Tuhan i do tu Tuanku: Juguk ma Ho di siamunKu, lopus Hubaen sude angka musuMu tunduk tu Ho.’

MATEUS 22:46

Umpe sahalak na bisa mangalusi Jesus. Mamungka sian na sadari i, nada adong be na puluk manyapai sanga aha tuSia.