MATEUS 22:37 - BIBEL JAMITA NA DENGGAN

³⁷ Dialusi Jesus ma, “Angkon haholonganmu do Tuhan Debatamu sian sude ate-atemu, dohot sian sude rohamu dohot sian sude pikiranmu.

MATEUS 22:37 Referans Kwoze

LUKAS 10:27

Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

PANGARATAION 6:4

Ingot hamu ma, angka dongan! Hum Tuhan, jana Tuhan sajo do Debatanta!

MATEUS 22:36

“Guru, parenta dia dehe na ummarga sian sude Tona i?”

MATEUS 22:38

I ma tona na parjolo jana na gumodang!

1 JOHANNES 4:21

Antong, on ma tona na nilehen ni Kristus tu hita: Sanga ise na mangkaholongi Debata angkon laing dihaholongi ia muse ma dohot donganna.