MATEUS 21:6 - BIBEL JAMITA NA DENGGAN

⁶ Jadi kehe ma anak siseanNia na dua i patuluskon songon na nidok ni Jesus tu halahi.

MATEUS 21:6 Referans Kwoze

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

1 SAMUEL 15:11

“Manyosal do Au dung Hubaen si Saul gabe raja, angke marbalik do ia sian Au, jana nada dipatulus ia na Huparentahon.” Muruk ma si Samuel jana saborngin i sai humolos ma ia tu Tuhan.

HARURUAR 40:16

Dipatulus si Musa ma sudena songon na niparentahon ni Tuhan i.

HARURUAR 39:43

Dipareso si Musa ma sudena i jana diida ia ma bahaso na dung tumbuk sudena dibaen laing songon na niparentahon ni Tuhan. Jadi dipasupasu si Musa ma antong halahi.

PAMUNGKAAN 12:4

Di na marumur si Abram pitu pulu lima taon, bungkas ma ia sian Haran, hombar tu na nidok ni Tuhan tusia, rap kehe ma ia dohot si Lot.

PAMUNGKAAN 6:22

Jadi dipatulus si Noak ma sandok na niparentahon ni Debata tusia.

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

MATEUS 21:7

Dioban halahi ma halode i dohot anakna i. Dipalanoi halahi ma halode na dua i dohot angka baju ni halahi. Dilombut Jesus ma tanggurungna i.

JEHESKIEL 12:7

Dung i hupatulus ma na niparentahon ni Tuhan i tu au. Laing di na sadari i, arian dope, huhobasi ma angka barang-barangku tu sada gendongan, songon na somal dibaen halak pangungsi. Dung mamungka samon ari, hubaen ma lubang dohot tanganku di tembok ni bagaski, lalu haruar ma au sian lubang i. Laing diparrohahon jolma i sude, huporsan ma gendongan i di abarangku, lalu kehe ma au.