MATEUS 21:46 - BIBEL JAMITA NA DENGGAN

⁴⁶ Gabe dijalahi halahi ma dalan laho manangkup Ia. Tapi mabiar muse do halahi marnida halak na bahat, angke panurirang do Jesus dietong halahi.

MATEUS 21:46 Referans Kwoze

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MATEUS 21:26

Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

LUKAS 7:39

Dung diida halak Parise na mangontang Jesus i pangalaho i didok ia ma di bagasan rohania, “Sugari tutu panurirang Ia, tontu angkon diboto Ia do sanga ise satutuna dadaboru na manjama Ia i; tontu diboto Ia muse do ngolu ni dadaboru on, na mardosa sajo!”

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

JESAYA 29:1

Marjaya ma kota Jerusalem na nigoaran langgatan ni Debata! Marjaya ma kota parundung-undungan ni si Daud! Padiar ma margonti-gonti taon tu taon songon i dohot angka pesta-pestana.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

MATEUS 21:45

Dung dibege angka kapala ni malim dohot angka halak Parise angka umpama ni Jesus i, diboto halahi ma, halahi do hape na nidok ni Jesus disi.

MATEUS 22:1

Dung i didok Jesus ma mangulahi umpama.

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

JOHANNES 7:30

Jadi dirohahon halahi ma giot manangkup Ia, tapi inda adong na puluk manjama Ia, angke nada dapot dope hatihaNa.