MATEUS 21:39 - BIBEL JAMITA NA DENGGAN

³⁹ Ditangkup halahi ma anak ni partano na bidang i, disarat halahi ma tu duru ni kobun i, dibunu halahi ma disi.”

MATEUS 21:39 Referans Kwoze

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

JOHANNES 18:12

Dung i ro ma angka parajurit i dohot komandanna i songon i dohot angka Jahudi panjago i, ditangkup halahi ma Jesus jana ditambat.

MATEUS 26:57

Dioban angka na manangkup i ma Jesus tu bagas ni Malim Godang na margoar si Kayafas. Marlagut ma disi angka Siboto Surat ni halak Jahudi dohot angka hatobangon ni halahi.

BAENON NI ANGKA RASUL 5:30

Anggo Jesus na niparsilangkonmunu i, madung dipangolu Debata ni ompunta i sian hamatean.

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

JOHANNES 18:24

Dung i disuru si Hanas ma dioban Jesus tu Malim Godang Kayafas laing tartambat.

MATEUS 26:50

Dialusi Jesus ma, “Ale dongan, hara ni i dehe ho ro tuson?” Dung i ro ma tu jolo halak na bahat i, ditangkup halahi ma Jesus.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MATEUS 21:40

“Bia do, muda ro nampuna kobun anggur i mulak, aha ma baenonnia tu angka na mamola i?”