MATEUS 21:33 - BIBEL JAMITA NA DENGGAN

³³ “Tangihon hamu ma jolo umpama na sada nari on,” ninna Jesus. “Adong ma sahalak partano na bidang nampuna kobun anggur, dihandang ia ma sude humaliang kobun i, dihuar ia ma lubang inganan pamoroan ni anggur, dibaen ia muse ma tuhu-tuhu inganan ni na manjago. Dung i dipabolahon ia ma kobun anggurnia i tu angka pamola, kehe ma ia mardalanan tu luat na asing.

MATEUS 21:33 Referans Kwoze

JEREMIA 2:21

Husuan ho songon bona ni anggur na Hutodo sian tampang na sumurung. Hape saonnari ho gabe muba, songon hayu na muab busuk, hayu anggur na riar.

JOHANNES 15:1

“Au do bona ni anggur na tutu, jana Damang do parkobun i.

LUKAS 19:12

Jadi didok Jesus ma tu halahi, “Adong ma sada halak na mora na kehe tu luat na dao manjagit pangangkatannia gabe raja disi, dung i mulak ma ia.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

MARKUS 13:34

Tarsongon sada halak na kehe tu na dao maninggalkon bagasna do pangalaho ni i. Dipasahat ia ma tu angka naposonia laho mangurus bagasnia. Dipasahat ma karejona be. Tu sijago pintu ditonahon ia hian do anso tangkas ia na manjagoi i.

MATEUS 23:2

“Juguk do angka Siboto Surat dohot halak Parise, di juguhan ni si Musa.

MATEUS 21:28

Saonnari bia do ninna rohamunu taringot tu umpama on, “Adong ma sada ama, dua anaknia. Jadi didok ia ma tu anaknia siangkaan i, ‘Kehe ma ho jolo amang markarejo sadari on di kobun anggurta i.’

MATEUS 13:18

“Tangihon hamu ma astuan ni umpama taringot tu panyabur i.

JEREMIA 19:3

Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JESAYA 1:10

Tangihon ma hata ni Tuhan ale angka pamimpin na songon pamimpin ni Sodom! Tangihon ma tona ni Debatanta ale rayat na songon rayat ni Gomora!

1 RAJA-RAJA 22:19

Didok si Mika ma mangulahi, “Saonnari tangihon ma sanga aha na nidok ni Tuhan! Huida do Tuhan jongjong di juguhan hasangapanNa di banua ginjang, jana sude surusuruanNa jongjong di lambungNia.

PANGARATAION 16:18

“Di ganop kota na nilehen ni Tuhan Debatamunu tu hamu angkon angkatonmunu do panguhum dohot angka parkarejo na asing laho manguhumi rayat i di bagasan na sintong.

MATEUS 20:1

“Anggo Harajaan Ni Banua Ginjang, tarsongon sada halak nampuna kobun anggur do i. Manyogot-nyogot i kehe ma ia manjalahi halak na giot markarejo di kobun anggurnia i.