MATEUS 21:32 - BIBEL JAMITA NA DENGGAN

³² Haru madung ro si Johannes Pandidi paboahon dalan na tutu tu hamu, hape nada ra hamu manghaporsayai na nidoknia. Hape anggo angka sijagit pajak dohot angka anak boru siparkarosuan, ma pola porsaya disia. Haru pe na dung diida hamu sudena i, hape laing so dipauba hamu dope rohamunu manghaporsayai ia.”

MATEUS 21:32 Referans Kwoze

MATEUS 21:25

Sian ise do dijagit si Johannes kuasonia laho mandidihon? Sian Debata do sanga sian jolma?” Jadi marpikir ma halahi di bagasan rohana mandok, “Muda tadokkon, ‘Sian Debata’, gabe dohononNia ma tu hita: ‘Anggo songon i biasi inda porsaya hamu tu si Johannes?’

2 PETRUS 2:21

Na gumonan hian do indangkon jungada ditanda angka jolma na songon i dalan na tigor na sian Debata i, ulang pado ditanda halahi hape dung salpu i nada ra halahi mangoloi angka parenta na nilehen ni Debata tu halahi.

HALUMBAAN 2:21

Jana madung Hulehen tusia hatiha anso dipauba ia ma rohania sian na markarosuan i; tapi nada dipauba ia rohania.

IBRANI 3:12

Hamu angka dongan, manat ma hamu anso ulang jabat adong sian hamu sahalak pe na songon i jahatna jana na so porsaya tu Jesus, gabe marbalik mangkudukkon Debata na mangolu i!

2 TIMOTEUS 2:25

Angkon ajaranna halak na sai mangalo mardongan halambohon; ibo nian roha ni Tuhan, sai dilehen ma di halak na songon i hatiha na denggan paubahon rohana sian angka dosa ni halahi dohot mananda pangajaran na tutu.

MATEUS 11:18

Ro ma si Johannes – nada mangan, nada minum ia, hape didok halak ia ‘na hona setan!’

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

MATEUS 5:46

Harana, muda hum halak na manghaholongi hamu do dihaholongi hamu, aha labo ni i di hamu? Nada he laing songon i do dikarejohon angka sitagi pajak i?

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.