MATEUS 21:15 - BIBEL JAMITA NA DENGGAN

¹⁵ Tapi muruk-muruk ma angka kapala ni malim dohot angka Siboto Surat Jahudi marnida angka hahomangan na masa i na nipatupa ni Jesus. Muruk muse ma halahi patangi-tangi angka dakdanak na marsurahi dohot na pio-pio di Bagas Ni Debata i, “Hosana ma di Anak Ni si Daud!”

MATEUS 21:15 Referans Kwoze

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

JOHANNES 12:19

Dung i marsipandohonan ma angka halak Parise i ninna halahi ma, “Nada adong gunana ro hita tuson! Ligi hamu ma, ma gabe sude na satano on mangihutkon Ia!”

JOHANNES 11:57

Madung diparentahon angka sintua ni malim dohot angka halak Parise, sanga ise na umbotoan di dia Jesus, angkon paboaon ni na umbotosa i ma i; anso tarbaen manangkup Jesus.

JOHANNES 7:42

Harana di Buku Na Badia i tarsurat, sian pomparan ni si Daud do Kristus i jana sorang di Betlehem, i ma Kota Ni si Daud i.”

JOHANNES 4:1

Dibege halak Parise ma na umbahat sisean ni Jesus, dohot na nididihonNia ulang pado si Johannes. (

LUKAS 22:66

Dung torang ari marlagut ma angka hatobangon ni halak Jahudi dohot ma angka sintua ni malim dohot angka Siboto Surat. Dung i dioban ma Jesus tu jolo ni Mahkamah Ugamo ni halahi.

LUKAS 22:2

Sai dijalak-jalahi angka sintua ni malim dohot angka Siboto Surat Jahudi ma dalan mamatehon Jesus; angke mabiar do halahi mida halak na bahat i.

LUKAS 20:1

Di sada ari dompak mangajari Jesus di Bagas Ni Debata, jana dijamitahon Ia Jamita Na Denggan tu halak na bahat i, ro ma angka kapala ni malim dohot Siboto Surat dohot hatobangon tusi,

MARKUS 11:18

Dibege angka sintua ni malim rap dohot angka Siboto Surat do na nidokNia i. Gabe mamungka ma dijalahi halahi dalan laho mamunu Jesus. Tapi mabiar do halahi mida Ia, angke sude halak na bahat na disi i mangkilala, tabo pangajaranNia i.

MATEUS 27:20

Tapi torus ma dijajang-jajang angka Sintua Ni Malim dohot angka hatobangon ni halak Jahudi i halak na bahat mangido tu si Latus anso si Barabbas dipalua. Tapi anggo Jesus nibunu ma.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

MATEUS 26:59

Dijalahi angka kapala ni malim i ma dohot sude parrapot i angka hasaksian na so tutu laho mangalo Jesus anso adong dalanna baenon ni halahi mamunu Ia.

MATEUS 26:3

Jadi marlagut ma disi angka Sintua Ni Malim dohot angka hatobangon ni halak Jahudi di inganan ni si Kayafas Malim Godang i.

MATEUS 22:42

“Bia do mangihutkon pandapotmunu taringot tu Kristus i? Pomparan ni ise ma Ia?” “Pomparan ni si Daud,” ninna halahi.

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 9:27

Di na kehe Jesus sian i, ro ma dua halak na mapitung mangihutkon Ia. Pio-pio ma halahi, “O, anak ni si Daud, ibo ma rohaMu mida hami!”

JESAYA 26:11

Ale Tuhan, di paherbang Ho do tanganMu, tapi nada diida halahi i; padiar ma maila halahi mida holong ni rohaMu di bangsoMi. Padiar ma marhancit halahi hara ni na hona uhum na niparadeMu di halahi.

MATEUS 20:24

Dung tarboto tu anak sisean na sampulu nari pangalaho i muruk ma halahi tu na martinadohon sidua halak i.