MATEUS 20:5 - BIBEL JAMITA NA DENGGAN

⁵ Markehean ma halahi. Di pukul dua bolas kotu i, laing songon i muse di pukul tolu andospotang, kehe muse ma nampuna kobun i, laing songon i muse dibaen ia.

MATEUS 20:5 Referans Kwoze

BAENON NI ANGKA RASUL 10:9

Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.

BAENON NI ANGKA RASUL 10:3

Jadi di sada ari hira-hira pukul tolu arian, tangkas ma diida ia di bagasan sada parnidaan, ro sada surusuruan ni Debata mamiohon ia, “Ale Kornelius!”

BAENON NI ANGKA RASUL 3:1

Sanoli rap kehe ma si Petrus dohot si Johannes tu Bagas Ni Debata pukul tolu andospotang, i ma hatiha ni na martangiang.

JOHANNES 11:9

“Nada he dua bolas jom do sadari?” ninna Jesus. “Anggo arian do halak mardalan nada tartuktuk bagi na tu aha, harana torang do diida ia tano on.

JOHANNES 4:6

Disi ma sumur ni si Jakob i. Loja sajo ma Jesus na mardalan i, gabe kehe Ia juguk maradian di topi ni sumur i. Hira-hira pukul dua bolas ma hatiha i.

JOHANNES 1:39

“Beta ma ligi hamu,” ninna Jesus. Jadi udur ma halahi dohot Ia mangaligi sanga di dia Ia maringanan. Laing disi ma halahi dohot Ia na sadari i. (Hira-hira pukul opat andospotang ma hatiha i.)

MATEUS 27:45

Mamungka kotu, tolu jom honokna, golap ma sude luat i.

MATEUS 20:4

Jadi didok ia ma tu halahi, ‘Dohot ma hamu kehe markarejo di kobun anggurki. Hulehen pe upa na patut di hamu.’

MATEUS 20:6

Dung hira-hira pukul lima andospotang, kehe muse ma ia. Diligi ia muse, hape laing adong dope halak na jongjong sajo songon i inda adong karejona. Gabe disapai ia ma halahi, ‘Biasi he jongjong sajo hamu dison sasadari so adong na niampalmunu?’