MATEUS 20:30 - BIBEL JAMITA NA DENGGAN

³⁰ Adong ma di topi dalan i dua halak na mapitung juguk-juguk. Dung diboto halahi Jesus do na mamolus i, marsurak ma halahi, “O, Tuhan, Anak Ni si Daud, ibo ma rohaMu mida hami!” ning halahi.

MATEUS 20:30 Referans Kwoze

MARKUS 10:46

Lalu ma halahi di Jeriko. Jadi dung laho kehe Jesus rap dohot angka anak siseanNia i, songon i dohot halak na bahat i, adong ma sada halak na mapitung juguk di topi dalan i mangido-ido. Si Bartimeus do goarna, i ma anak ni si Timeus.

MATEUS 22:42

“Bia do mangihutkon pandapotmunu taringot tu Kristus i? Pomparan ni ise ma Ia?” “Pomparan ni si Daud,” ninna halahi.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

LUKAS 7:21

Jadi hatiha i topet ma Jesus pamalumkon bahat halak sian nyaena be. Dipaorot Jesus angka tondi na jahat, na mapitung pe gabe marnida dibaen Ia mangulahi.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

JESAYA 59:10

Dadap-dadap do hami songon na mapitung, di torang ni ari pe tartuktuk hami, songon na di potang ni ari jana na juguk di na golap songon halak na mate.

JESAYA 42:18

“Tangihon bo ale ho na maingol hamu na mapitung tole bo pamanat.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 29:18

Muda tarjadi songon i, begeon ni na maingol ma buku na nisise gogo, jana marnida ma na mapitung na malua sian bagasan hagolapan.

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

MATEUS 13:4

“Jadi dompak na manyabur same i ia, adong ma na mangkadabu tu topi ni dalan i, gabe ro ma unggas, dipangan ma i.

MATEUS 20:31

Dimuruhi halak na bahat i ma halahi, anso sip. Tapi mur marsurahi do halahi, “O, Tuhan, Anak Ni si Daud, ibo ma rohaMu mida hami!”