MATEUS 20:22 - BIBEL JAMITA NA DENGGAN

²² “Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.

MATEUS 20:22 Referans Kwoze

LUKAS 22:42

didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

MATEUS 26:42

Jadi kehe ma Jesus padua-nolihon laho martangiang. Didok Ia ma, “Muda na angkon taononKu ma parkancitan on ale Amang jana nada tarbaen so taononKu, rohaMu ma na tulus.”

JOHANNES 18:11

Didok Jesus ma tu si Petrus, “Sarungkon ma podangmi, nada he angkon inumonKu do panginuman parkancitan na nilehen ni Damang i tu Au?”

MARKUS 14:36

Didok Ia ma, “Abba, o Amang, inda adong na so tarpatupa Ho ale Amang. Buat ma parkancitan on sian Au. Tapi, ulang ma marguru tu lomo ni rohangKu tapi lomo ni rohaMu ma Amang.”

MATEUS 26:39

Dung i kehe ma Jesus tar dumao saotik, tungkap ma Ia tu tano laho martangiang, “O Amang,” ning Ia, “Anggo tarbaen do, padao ma sian Au parkancitan na angkon jagitonKu. Tapi ulang ma hagiotKu na tulus, baen ma songon na dihagiotiMu.”

SURAT NI SI PAULUS TU PARLAGUTAN ROM 8:26

Laing songon i do Tondi Ni Debata, na ro do i mangurupi hita di hagaleanta. Angke anggo hita nada taboto sanga na tarbia sapatutna hita martangiang. Tapi Tondi i sandiri do mangadop tu Debata laho mangidohon di hita sian lungun ni roha na so tarhatahon jabat nada tuk hata pajojorkonsa.

JESAYA 51:22

Songon i ma pandok ni Tuhanmu, Debata na mangondihon hamu, “Mangulahi Hubuat sian hamu, mangkuk dohot isi na palenongkon, jana isi ni mangkuk hamilason ni murukKu, indangkon inumon munu be i.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

LUKAS 12:50

Laing adong dope pandidion na angkon sidalananKu. Jana susa sajo dope rohangKu salolot so tulus dope i.

JEREMIA 49:12

Halak na so patut niuhum pe laing hona uhum do, mur hamu ma hape? Musti hona uhum hamu!

MATEUS 26:56

Tutu do nian, angkon tarjadi do sude na masa on anso tulus muse sanga aha na nisuratkon ni angka panurirang di Buku Na Badia i.” Dung i markehean ma sude anak sisean ni Jesus i maninggalkon Ia.

PODA 16:18

Ginjang ni roha mambaen hasegoan; bulbul mambaen hasarsaran.

MASMUR 75:3

Muda humutur tano on dohot sude pangisina Au do na pahotkon angka tiangna.

MATEUS 26:35

Dialusi si Petrus ma, “Sugari pe angkon tarpaksa mate au rap dohot Ho Tuhan, nada na dohononku na so hutanda Ho Tuhan!” Songon i ma dipandok sude anak sisean na asing i.

JESAYA 51:17

Jonggor ma, jonggor ma, ngot ma, ale Jerusalem, ale ho na dung minum sian tangan ni Tuhan. Isi ni piala i ma milas ni murukNia, ho do na dung manginum, mandorguk abis isi ni mangkuk na palenongkon i.