MATEUS 20:21 - BIBEL JAMITA NA DENGGAN

²¹ “Giot aha di ho inang?” ninna Jesus manyapai. Dialusi ina-ina i ma, “Sugari nian muda dung gabe Raja Ho anso juguk anakku na dua on, sada di siamunMu jana sada di siambirangMu,” ning ia.

MATEUS 20:21 Referans Kwoze

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

ESTER 5:3

Dung i marsapa ma raja i, “Aha do ulaning, na diharohon ni boru ni raja i? Aha do giotmu? Dokkon ma! Haru pe satonga sian harajaanku dipangido ho, sai na lehenonku ma i.”

MATEUS 18:1

Jadi ro ma sanoli angka anak sisean ni Jesus tuSia manyapai, “Ise do tardok na gumodang di Harajaan Ni Banua Ginjang?”

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

BAENON NI ANGKA RASUL 1:6

Dompak marlagut angka rasul rap dohot Jesus, disapai halahi ma tuSia, “PajongjongonMu dehe Tuhan di hatiha on harajaan ni Israel i mangulahi?”

MARKUS 6:22

Manortor ma di pesta i boru ni si Herodias. Sonang sajo ma roha ni raja i dohot angka tamu i dibaen panortorna i. Gabe didok raja i ma tu bujing-bujing i, “Pangido ma sanga aha por ni rohamu. Hulehen pe i di ho!”

MATEUS 20:32

Dung i maradian ma Jesus, dipiohon Ia ma halahi. “Aha giot baenonKu di hamu dipangido rohamunu?” ninna Jesus manyapai.

1 RAJA-RAJA 3:5

Borngin i dipataridahon Tuhan ma diriNa tusia di bagasan nipi jana manyapai, “Aha do dipangido rohamu lehenonKu tu ho?”

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

LUKAS 22:24

Masa ma partongkaran di angka sisean ni Jesus taringot tu sanga ise sian halahi na nietong angkon gumodang.

LUKAS 19:11

Dompak manangi-nangihon pangkataion ni Jesus dope halak na bahat i, dicaritohon Jesus ma sada umpama. Jadi hatiha i, marayak lalu ma Ia tu Jerusalem jana ning roha ni halak manigor tarida ma Harajaan Ni Debata.

LUKAS 18:41

“Aha ma he giotmu baenonKu tu ho?” Dialusi bayo na mapitung i ma, “Giotku, sugari marnida ma au nian Amang.”

MARKUS 10:51

“Aha do lakna dipangido rohamu baenonKu tu ho?” ninna Jesus manyapai ia. Dialusi bayo na mapitung i ma, “Marnida ma nian au, Guru!”

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

MASMUR 45:9

Di tonga-tonga ni angka dadaboru parkobas di bagas godang adong muse do disi angka boru ni raja. Di siamun ni habangsa i jongjong na mora na duma mamake barang sere na pita.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

1 RAJA-RAJA 2:19

Dung i kehe ma si Batseba giot mangkatai dohot raja i hara ni si Adonia. Jongjong ma raja i mangalo-alo inangnia lalu dipaunduk ia laho mamparsangapi, dung i juguk ma ia tu habangsania. Disuru ia ma na pasingkop karosi di siamunnia juguhan ni inangnia.

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

MATEUS 20:22

“Na so diboto hamu do na nipangidomunu,” ning Jesus tu halahi. “Tarinum hamu ma lakna panginuman na giot inumonKi?” “Tarinum hami do i,” ninna halahi.