MATEUS 20:13 - BIBEL JAMITA NA DENGGAN

¹³ Dialusi nampuna kobun i ma tu sahalak sian halahi, ‘Ah dongan, nada adong hubaen na so patut tu hamu. Na he na dung jolo dioloi ho do, sada hepeng perak upa ni halak na markarejo sadari?

MATEUS 20:13 Referans Kwoze

MATEUS 26:50

Dialusi Jesus ma, “Ale dongan, hara ni i dehe ho ro tuson?” Dung i ro ma tu jolo halak na bahat i, ditangkup halahi ma Jesus.

MATEUS 22:12

Gabe disapai raja i ma tu bayo i, ‘O, Dongan! Tar bia do parmasukmu tuson, biasi nada marabit pesta ho?’ Tarhohom ma bayo i.

SURAT NI SI PAULUS TU PARLAGUTAN ROM 9:20

Ise ma he hamu ale jolma, umbaen na dialo hamunu Debata? Bisa ma he na ditopa mandok tu na manopana, “Biasi dehe ditopa ho au gabe songon i?”

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

MATEUS 20:2

Jadi dung sada rohania manggarar upa ni parkarejo i sada hepeng perak sadari, disuruhon ia ma halahi markarejo di kobun anggurnia i.

MATEUS 20:14

Buat upami! Kehe ma ho! Por do rohangku mangalehen tu halak na parpudi ro i upa na sarupa dohot na hulehen di ho.