MATEUS 2:11 - BIBEL JAMITA NA DENGGAN

¹¹ Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MATEUS 2:11 Referans Kwoze

JESAYA 60:6

Marroan bahat unto tu tanomu, sian Midian dohot Efa angka i marroan. Sian Seba dioban halak sere dohot hamonyan, lalu mamuji pambaenan ni Tuhan.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

LUKAS 2:16

Manigor kehe ma halahi, dapot halahi ma antong si Josep dohot si Maria dohot Dakdanak i na topet hatiha modom di palangka ni pahan-pahanan i.

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

MASMUR 95:6

Beta ma hita tungkap, jana marsinggang ma hita tu jolo ni Tuhan na manompa hita.

MASMUR 72:15

Mangolu ma ia! Sai disombahon halak ma tusia sere na sian Arab. Sai ditangiangkon ma ia tongtong jana sai dipasupasu ma tongtong.

1 RAJA-RAJA 10:2

Bahat do na mangudurkon ia di na ro i, songon i unto nasorat marboban, maroban angka parmasak, angka batu intan dohot sere bahat sajo. Dung marsuo ia dohot si Salomo, dipardokkoni ia ma sandok sapa-sapa na dapot dipikiri ia tu si Salomo.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

LUKAS 2:38

Topet ma hatiha i laing ro ia mamuji Debata bope mangkobari taringot tu Dakdanak i tu sude halak na sai painte-intehon sanga andigan hatihana paluaon ni Debata Jerusalem.

1 SAMUEL 10:27

Tapi adong do sanga na piga halak na jahat mandok, “Jolma na songon on ma he na marguna di hita?” Dipamenek halahi ma si Saul jana nada mangalehen silua halahi tusia. Tapi dipaula so diboto ia do i.

HAMALIMON 6:15

Dung i angkon buatonnia ma sude hamonyan na adong di ginjang ni haul i, dohot sanggolom topung bope miak. Sude na nibuatnia i angkon nitutung di ginjang ni langgatan na gabe tanda ma i bahaso sudena i madung nihaulkon tu Tuhan. Uap ni haul i ma na pajop roha ni Tuhan.

HARURUAR 30:34

Didok Tuhan ma tu si Musa, “Pulung ma angka parmasak on sarupa be bahatna – gota ni damar, lampak ni korang, gota ni hayu rasamala dohot pultak ni hamonyan.

PAMUNGKAAN 43:11

Jadi didok amang ni halahi i ma, “Muda na angkon songon i ma jadina, antong oban hamu ma suha na dumenggan sian luat on di bagasan harungmunu i baen silua di gubernur i; baen hamu ma miak na huskus saotik, aer ni loba saotik, parmasak, lajo dohot batu ni barangan.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MASMUR 45:8

Maradu huskus noma pakean ni raja i songon mur, gaharu dohot cendana. Di bagasan bagas godang na margading sigodang arga, laing marjop ni roha raja i dibaen angka parendena.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

1 RAJA-RAJA 10:10

Dung i dipasahat ratu na sian Seba i ma angka silua na niobanna i tu si Salomo, lobi opat ribu kilogram sere dohot batu intan bahat songon i dohot angka parmasak. Dung i nada jungada be dijagit si Salomo parmasak songon bahat ni na nilehen ni ratu na sian Seba i tusia. (

HARURUAR 30:23

“Pulung ma parmasak na dumenggan – onom kilo miak mur, tolu kilo hulim, tolu kilo tobu na huskus,

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

MATEUS 1:18

Songon on ma baritana taringot tu hasosorang ni Jesus Kristus. Dompak martunangan dope si Maria dohot si Josep, hape na dung denggan do pamatangnia. I ma sian kuaso ni Tondi Parbadia. Hum na martunangan dope halahi hatiha i, nada marbagas dope.

MATEUS 2:10

Jop situtu ma roha ni halahi dung marnida bintang i.

MATEUS 12:46

Dompak na mangkobari Jesus dohot halak na bahat i, ro ma inangNia rap dohot angka kahanggiNa, giot mangkobari dohot Ia. Tapi hara ni na so tarbaen dope laing di ruar ma halahi jongjong.

JOHANNES 19:39

Dohot do si Nikodemus, i ma na ro borngin-borngin nabaruon mandapotkon Jesus, rap dohot si Josep. Dioban si Nikodemus ma angka ramu-ramuan mur dohot aloe marborat-borat tolu pulu kilo.