MATEUS 19:8 - BIBEL JAMITA NA DENGGAN

⁸ Dialusi Jesus ma, “Dipatola si Musa pe hamu manyirangkon dadaborumunu, hara ni na mamaoltu do hamu ajaron. Tapi anggo di mulana nada songon i.

MATEUS 19:8 Referans Kwoze

PAMUNGKAAN 2:24

Hara ni i ma umbaen na nitadingkon ni halaklahi amangna dohot inangna, jana gabe sada dohot dadaboruna, gabe sada ma halahi na dua.

MARKUS 10:5

“Disurat si Musa pe tona i hara ni maolna do hamu ajaran,” ninna Jesus tu halahi.

ZAKARIA 7:12

Dipapir halahi do rohana lopus songon pir ni batu intan, anso ulang dibege halahi tona i dohot hata na nitongos ni Tuhan Na Markuaso marhite sian tondiNa, dohot marhite sian panurirang na jolo i. Hara ni i ma umbahen na ro rimas ni Tuhan.

1 KORINTUS 7:6

Nada gabe parenta, muda hudok pe songon i, tapi songon sipaingot do.

MATEUS 8:31

Jadi dipangido setan i ma tu Jesus, “Muda na giot paorotonMu do hami, tu angka babi i ma suru hami masuk.”

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

PAMUNGKAAN 7:7

Masuk ma ia dohot dadaborunia i bope angka dakdanaknia dohot angka dadaboruna be tu kapal i paluahon diri ni halahi sian aek na oto.

MATEUS 19:7

Dung i disapai halak Parise i ma mangulahi tuSia, “Antong anggo songon i, biasi disuru si Musa halak mangalehen surat sirang tu dadaboru na giot sirangkonon? Na he na manyirangkon dadaboruna do muda na songon i?”

MATEUS 19:9

Jadi, tangihon hamu ma on: Halak na manyirangkon dadaboruna, anggo so hara ni na manyimbil dadaborunia i, hape dibuat ia muse boru na asing, na markarosuan do sisongon i.”

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

1 SAMUEL 25:43

Painte so i, na dung dibuat si Daud do si Ahinoam sian Jisreel gabe dadaborunia, jana saonnari dohot muse ma si Abigail gabe dadaborunia.