MATEUS 19:28 - BIBEL JAMITA NA DENGGAN

²⁸ Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.

MATEUS 19:28 Referans Kwoze

MATEUS 25:31

“Muda ro Anak Ni Jolma i gabe Raja mardongan angka surusuruanNia, juguk ma Ia di habangsa ni hamuliaonNa.

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.

HALUMBAAN 7:4

Jadi hubege do bilangan ni angka na ni cap i, 144.000 halak sian sude marga ni halak Israel i

2 PETRUS 3:13

Tapi na painte-intehon na nijanjihon ni Debata do hita, i ma langit na imbaru dohot tano na imbaru. Disi ma dapot na tigor salolot-lolotna.

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

JESAYA 65:17

Didok Tuhan: “TompaonKu ma langit na imbaru dohot tano na imbaru, angka na masa na salpu dihalupahon noma i, jana nada ingoton be.

HALUMBAAN 21:5

Didok na juguk na di ginjang ni habangsa i ma, “Ligi ma, Hupaimbaru do sasudena!” Jana mangkuling ma Ia muse, “Suratkon ma, angke na tutu jana na sintong do sude hata on.”

HALUMBAAN 4:4

Adong ma dua pulu opat habangsa na asing martingko mangkaliangi habangsa i. Juguk ma disi dua pulu opat angka pangituai marpakean na bontar, jana martuku sere.

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

2 TIMOTEUS 2:12

Muda laing sobar hita, angkon laing mamarenta ma hita rap dohot Ia. Muda tatulak Ia, tulahonNia muse ma hita.

BAENON NI ANGKA RASUL 3:21

Laing di banua ginjang do Ia lopus dipaimbaru Debata sasudena songon na nidok ni Debata markite-hite angka panurirangNia na badia di hatiha na robi.

MATEUS 20:21

“Giot aha di ho inang?” ninna Jesus manyapai. Dialusi ina-ina i ma, “Sugari nian muda dung gabe Raja Ho anso juguk anakku na dua on, sada di siamunMu jana sada di siambirangMu,” ning ia.

HALUMBAAN 22:2

torus ma i tu angka dalan godang na di kota i. Ditopi ni batang aek i paipar-ipar adong ma bona ni hayu haroroan ni hangoluan, na marbatu ganop taon dua bolas noli, i ma sanoli sabulan. Bulungna i, dibaen do laho pamalumkon angka bangso.

ESRA 6:17

Di peristiwa i dipasahat halahi ma tu Tuhan saratus lombu jantan, dua ratus biri-biri jantan dohot opat ratus anak ni biri-biri jantan. Baen haul hasesaan ni dosa dihaulkon dua bolas hambeng, sada be ma i ganop Marga Israel.

1 RAJA-RAJA 18:31

Dibuat ia ma dua bolas batu, ganop batu ma songon wakil ni sada sian sidua bolas marga pomparan ni angka anak ni si Jakob, halak na nigoaran ni Tuhan, si Israel.

JOSUA 3:12

Antong todo hamu ma saonnari dua bolas halak – sada halak sian ganop marga ni Israel.

HAMALIMON 24:5

“Buat ma dua bolas kilogram topung, dung i pohul ma i gabe dua bolas.

HARURUAR 28:21

Di batu intan na dua bolas i angkon nigorgahon do sada be goar ni anak ni si Jakob na dua bolas i, laho mangwakili angka marga ni Israel.

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 15:27

Dung i lalu ma halahi tu huta Elim. Adong do disi dua bolas mual ni aek dohot pitu pulu bona ni kurma. Marbandar di lambung ni aek i ma halahi.

HALUMBAAN 12:1

Jadi tarida ma di langit hahomangan godang jana na luar biasa. Adong ma sahalak dadaboru na mamake mataniari songon pakeanna, dohot bulan di toru ni patnia. Adong ma di ulunia i sada tuku na nibaen sian dua bolas bintang.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

MATEUS 8:20

Dialusi Jesus ma, “Marliang do sorigala, marasar do angka unggas, tapi anggo Anak Ni Jolma i, i ma suruan ni Debata, nada adong inganan hapayahan ni uluNia.”

MATEUS 19:27

Jadi didok si Petrus ma, “Ligi ma, ma hami tinggalkon sasudena laho mangihutkon Ho. Gabe aha ma sijagitonnami?”

MARKUS 10:37

Dialusi halahi ma, “Muda dung lalu Ho saulahon juguk marsangap di karosi harajaan i di Harajaan Ni Debata, sugari nian patola ma hami rap juguk dohot Ho. Sahalak di siamun, dung i sahalak nari di siambirangMu.”

HALUMBAAN 11:16

Angka pamimpin sidua pulu opat halak na juguk di habangsa ni halahi na di jolo ni Debata i pe, manungkap ma jana marsomba tu Debata.

HALUMBAAN 22:5

Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.

2 JUJUR TAON 9:19

Di ujung ni ganop anak ni tanggana i adong muse do patung ni singa di siamun siambirangna, dua bolas ma sudena. Nada unjung adong dope karosi na songon i sanga na di harajaan dia pe.