MATEUS 19:27 - BIBEL JAMITA NA DENGGAN

²⁷ Jadi didok si Petrus ma, “Ligi ma, ma hami tinggalkon sasudena laho mangihutkon Ho. Gabe aha ma sijagitonnami?”

MATEUS 19:27 Referans Kwoze

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

LUKAS 5:11

Ditarik halahi ma parau i tu topi, ditinggalkon halahi ma i sude laho mangihutkon Jesus.

LUKAS 18:28

Dung i didok si Petrus ma, “Madung hami tinggalkon sude na adong di hami; jana mangihutkon Ho.”

LUKAS 15:29

Tapi didok ia ma tu amangnia i, ‘Martaon-taon ma honokna huoloi damang, na so jungada dope hulaosi parentamu. Tapi nada unjung dilehon damang di au umpe sada hambeng anso marpesta au dohot angka donganku!

MARKUS 10:28

Dung i didok si Petrus ma, “Madung hami tinggalkon sasudena jana hami ihutkon Ho.”

MARKUS 2:14

Hatiha na mardalan i Ia disi, tarpaida Ia ma sahalak sipanjagit pajak na margoar si Levi anak ni si Alfeus. Topet do hatiha juguk si Levi di kantornia. Didok Jesus ma tusia, “Ihutkon ma Au!” Jongjong ma ia, gabe diihutkon Jesus.

PANGARATAION 33:9

Sumurung do haburjuon ni halahi tu Ho. Sumurung sian simatobang maradu koum sisolkot. Dioloi halahi do angka parentaMi parjanjianMu pe digohi.

LUKAS 14:33

Ujungna ninna Jesus ma, “Laing songon i ma hamu. Umpe sahalak sian hamu tarbaen gabe siihutkon Au, anggo so tartinggalkon ia do sasude na adong disia.”

MATEUS 9:9

Jadi kehe ma Jesus sian i. Jadi taran mardalan Ia, diida Ia ma sada bayo na margoar si Mateus juguk di kantor pajakna. Dipiohon Jesus ma bayo i, “Beta ma, ihutkon Au!” Jongjong ma si Mateus mangihutkon Jesus.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

1 KORINTUS 1:29

Antong anggo songon i, nada adong sahalak pe na tarbaen manggodang diri anggo di jolo ni Debata.

MATEUS 19:26

Diligi Jesus ma halahi, ning Ia ma, “Anggo di jolma, na so tarbaen do i! Tapi anggo di Debata nada adong na so tarbaen!”

MATEUS 19:28

Dialusi Jesus ma halahi, “Hudok ma tu hamu, satutuna di hatiha panompaon muse, di hatiha juguk Anak Ni Jolma i, di habangsa hamuliaonNa, hamu angka na mangihutkon Au, giot juguk di ginjang di habangsa na dua bolas i laho manguhumi Israel na dua bolas marga i.