MATEUS 18:4 - BIBEL JAMITA NA DENGGAN

⁴ Anggo halak na gumodang di Harajaan Ni Banua Ginjang, i ma halak na patorukkon dirina gabe songon dakdanak on.

MATEUS 18:4 Referans Kwoze

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

MARKUS 10:43

Tapi anggo hamu, nada tola songon i! Sanga ise na giot godang sian hamu, angkon gabe pangoloimunu ma ia.

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

MATEUS 18:1

Jadi ro ma sanoli angka anak sisean ni Jesus tuSia manyapai, “Ise do tardok na gumodang di Harajaan Ni Banua Ginjang?”

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

MATEUS 18:3

Sasintongna do na Hudok on tu hamu, “Muda so muba rohamunu jana mulak songon dakdanak on, nada tarbaen hamu masuk tu Harajaan Ni Banua Ginjang.

MATEUS 18:5

Dung i halak na manjagit dakdanak na songon on di bagasan goarKu, laing na manjagit Au do halak na songon i.”

MARKUS 9:34

Tapi nada dialusi halahi. Harana di tonga dalan i ma martangkangi halahi, taringot tu sanga ise na gumodang sian halahi.