MATEUS 18:19 - BIBEL JAMITA NA DENGGAN

¹⁹ Ingot hamu muse ma on! Muda adong dua halak sian hamu di tano on na saroha manangiangkon sanga aha pe, tulus do tangiang i baenon ni Damang na di banua ginjang i.

MATEUS 18:19 Referans Kwoze

MATEUS 7:7

“Pangido hamu ma, gabe manjagit ma hamu. Jalahi hamu ma, gabe dapotan ma hamu. Tuktuhi hamu ma pintu, gabe dibuka ma pintu i di hamu.

MARKUS 11:24

Antong ingot hamu ma! Muda martangiang hamu mangido sanga na aha pe, pos ma rohamunu na dung dilehen Debata do na nipangidomunu i.

JOHANNES 16:23

Anggo di ari i, nada sapaanmunu be sanga aha tu Au. Tutu do na Hudok on tu hamu; sanga aha na nipangidomunu sian Ama i markite-hite goarKu lehenon ni Damang ma i di hamu.

PILIPPI 1:19

angke huboto do, hara ni angka tangiangmunu i dohot hara ni pangurupi ni Tondi Ni Jesus Kristus angkon malua do au.

MATEUS 21:22

Sanga aha pe pangidoanmunu di bagasan tangiangmunu, jagitonmunu do i, asal ma porsaya hamu.”

JOHANNES 15:7

Muda tinggal do hamu di bagasan Au jana pangajaranKu pe sai tinggal di bagasan rohamunu, tola ma pangidoanmunu sanga na aha pe giotmunu; nigohan ma pangidoanmunu i.

1 JOHANNES 3:22

Jana sanga aha pe na tapangido sian Ia, dapot hita do i, angke burju do hita mangoloi angka tonaNia dohot patuluskon sanga aha na tumbuk tu rohaNia.

BAENON NI ANGKA RASUL 12:5

Jadi ditahan ma si Petrus di hurungan i; tapi anggo angka anggota ni parlagutan i, sai torus do halahi marsitutu manangiangkon si Petrus tu Tuhan.

JOHANNES 15:16

Nada hamu mamili Au. Au do na mamili hamu jana Husuru hamu kehe anso ramos hamu marbatu – i ma parbatu na denggan. Dung i lehenon ni Damang ma di hamu sanga aha pe na nipangidomunu markite-hite goarKu.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

MATEUS 5:24

muda songon i ma pangalahona, tinggalkon ma jolo haulmi, kehe ma ho mardame dohot ia. Dung i pe anso tola ho mulak pasahatkon haulmi tu Debata.

BAENON NI ANGKA RASUL 6:4

Anggo hami, giot mangkaburjuhon pikirannami di bagasan tangiang dohot manjamitahon hata i.”

BAENON NI ANGKA RASUL 16:10

Dung dijagit si Paulus parnidaan i, manigor markobas ma hami anso kehe tu Makedonia. Angke putus do rohanami mandok, na nisuru ni Debata do hami manjamitahon Jamita Na Denggan i tu angka halak na disi.