MATEUS 18:12 - BIBEL JAMITA NA DENGGAN

¹² “Bia do antong ninna rohamunu? Sugari adong ma sada halak nampuna biri-biri saratus. Dung i lilu ma sada sian biri-biri i. Bia ma baenon ni nampuna i? Tontu ditinggalkon ia ma jolo na sambilan pulu sambilan i di dolok i, gabe kehe ma ia manjalahi na lilu na sada i. Na he songon i do?

MATEUS 18:12 Referans Kwoze

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JEHESKIEL 34:16

JalahanKu ma na mago i, obanonKu mulak na lilu i, na margasa balutonKu, na marnyae ubatanKu; tapi anggo na mokmok dohot na gogo i abiskononKu, angke parmahan na mambaen na denggan do Au.

JEHESKIEL 34:28

Nada samunon ni angka bangso na so mananda Au be halahi, sanga dijomak angka binatang panyoro. Di bagasan sonang noma halahi mangolu, jana sada halak pe nada adong be na mambaen mabiar halahi.

JEHESKIEL 34:6

Gabe mampar ma angka biri-biringKi di angka tor na gincat dohot di angka dolok. Marserak ma halahi tu sude sisik ni portibi on, sahalak pe nada adong na manyarihon sanga na manjalahi halahi.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

MATEUS 12:11

Dialusi Jesus ma, “Sugari ma rupani adong sada biri-birimunu, madabu ma biri-biri i tu godung na bagas topet di Ari Sabat, inda he paruaron ni nampuna i biri-biri i sian godung i?

JEREMIA 50:6

Tudos ma bangsongKi tu biri-biri na dipadiar ni parmahanna lilu di dolok. Maot-aot ma halahi sian dolok na sada tu na sada nari nada diboto halahi be bara ni halahi.

MASMUR 119:176

Songon biri-biri na mago, lilu do au, tapi nada hupasiding anggo parentaMu. Antong ro ma Ho, jalahi ma au, angke naposoMu do au.

MATEUS 21:28

Saonnari bia do ninna rohamunu taringot tu umpama on, “Adong ma sada ama, dua anaknia. Jadi didok ia ma tu anaknia siangkaan i, ‘Kehe ma ho jolo amang markarejo sadari on di kobun anggurta i.’

1 KORINTUS 10:15

Songon tu halak na marroha do au na mandok hata on tu hamu. Hamu sandiri ma nian manimbang pandohankon.

MATEUS 22:42

“Bia do mangihutkon pandapotmunu taringot tu Kristus i? Pomparan ni ise ma Ia?” “Pomparan ni si Daud,” ninna halahi.

1 RAJA-RAJA 21:17

Jadi didok Tuhan ma tu si Elia, panurirang na sian Tisbe i,

JEHESKIEL 34:4

Angka biri-biri na gale so jungada dipature hamu, na lilu dohot na mago nada dijalahi hamu anso dioban mangulahi. Mur jingar do pambaenmunu tu biri-birimunu i sudena.

MATEUS 18:13

Hudok ma tu hamu, muda dung dapot ia na sada i, tontu jumop ma rohania hara ni biri-biri na sada i ulang pado mida na sambilan pulu sambilan nari angka na so lilu i.