MATEUS 17:7 - BIBEL JAMITA NA DENGGAN

⁷ Tapi ro ma Jesus manjama halahi, ning Ia ma, “Jongjong ma hamu, ulang hamu mabiar!”

MATEUS 17:7 Referans Kwoze

DANIEL 10:18

Gabe dijama ia ma au sanoli nari, jana taraso ma tu au martamba gogongku.

MATEUS 14:27

Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

DANIEL 8:18

Taran mangkatai ia, pingsan ma au. Tapi ditiop ia ma au jana ditogu ia jongjong mangulahi. Jadi didok ia ma,

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

DANIEL 10:10

Dung i adong ma tangan na manogu au jana i ma mambaen tarsunggul au lalu hutungkolkon ma tanganku dohot totku; jana laing humitir dope au.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

LUKAS 24:5

Sun ma biar ni halahi, gabe manungkap ma halahi tu tano. Jadi di na songon i, didok sidua halak i ma tu halahi, “Biasi dijalahi hamu na mangolu di inganan ni na mate?

DANIEL 9:21

Taran na martangiang i au, habang ma adop au Gabriel na dung huida di bagasan parnidaanku na salpu i. Hatihana ma dompak i di halak manghaulkon haul potang ari.

MATEUS 17:6

Dung dibege anak sisean ni Jesus i sora i, mabiar sajo ma halahi jabat tungkap be tu tano i.

MATEUS 17:8

Hatiha mangaligi halahi, inda diida halahi be sanga ise, hum Jesus sajo noma.