MATEUS 17:6 - BIBEL JAMITA NA DENGGAN

⁶ Dung dibege anak sisean ni Jesus i sora i, mabiar sajo ma halahi jabat tungkap be tu tano i.

MATEUS 17:6 Referans Kwoze

2 PETRUS 1:18

Hami bege sandiri do sora i ro sian banua ginjang hatiha i di na rap hami dohot Ia di ginjang ni dolok na badia i.

BAENON NI ANGKA RASUL 26:14

Gabe martungkapan ma hami sude tu tano i. Dung i hubege ma sada sora di hata Ibrani na mandok tu au, ‘Saulus, Saulus! Biasi dope sai diparkanciti ho Au? Hancit ma hilalaonmu, muda sai dialo ho, pamimpin na gabe tuanmu.’

BAENON NI ANGKA RASUL 22:7

Jadi tungkap ma au tu tano, jana hubege ma sada sora na mandok tu au, ‘Saulus, Saulus! Biasi diparkanciti ho Au?’ ninna.

DANIEL 8:17

Jadi ro ma ia tu inganan hajongjonganki, jana dompak ro ia tarsonggot ma au jana manungkap, dung i didok ia ma tu au, “Antusi ma, o anak ni jolma taringot tu ari parpudi do parnidaan on!”

JEHESKIEL 43:3

Sarupa do parnidaan i dohot na huida di na ro Debata laho mangaroncohon Jerusalem dohot songon na huida di Batang aek Kebar. Dung i manungkap ma au lalu marsomba.

JEHESKIEL 3:23

Jadi kehe ma au tu rura, jana huida ma disi sinondang na marsilo na patuduhon haroro ni Tuhan songon na huida di topi ni Batang aek Kebar. Dung i tungkap ma au tu tano,

1 JUJUR TAON 21:16

Diida si Daud do habang-habang surusuruan i di antara ni langit dohot tano. Marpodang do surusuruan i tiop di tanganna songon na laho mangaroncohon Jerusalem. Jadi marabit goni ma si Daud dohot angka pamimpin ni Israel tanda ni solsol ni roha, manungkap tu tano.

HAKIM-HAKIM 13:22

Jadi didok si Manoah ma tu ripenia i, “Pasti na giot mate noma hita on, angke madung taida Debata.”

HAKIM-HAKIM 13:20

Jadi taran martimbual timus ni haul i tu ginjang sian langgatan i, diida si Manoah dohot dadaborunia i ma Surusuruan Ni Tuhan i manaek tu ginjang di bagasan jilam ni api i adop langit. Jadi gabe unduk ma ia dohot dadaborunia marsomba.

HAMALIMON 9:24

Dung i dipaijur Tuhan ma api na manutung sude haul situtungon dohot goar-goaran na martabo-tabo di ginjang ni langgatan i. Di na niida ni angka jolma i na masa i, sude ma halahi marsurak jana unduk manyomba.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 17:7

Tapi ro ma Jesus manjama halahi, ning Ia ma, “Jongjong ma hamu, ulang hamu mabiar!”