MATEUS 17:3 - BIBEL JAMITA NA DENGGAN

³ Dung i diida halahi ma si Musa dohot si Elia mangkobari dohot Jesus.

MATEUS 17:3 Referans Kwoze

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

MARKUS 9:4

Dung i diida angka siseanNia ma mangkobar-kobari Jesus rap dohot si Elia dohot si Musa.

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

LUKAS 9:33

Dung i di na laho kehe sidua halak i maninggalkon Jesus, didok si Petrus ma tu Jesus, “Gurunami, sonangna i hita dison! Hami baen ma tolu undung-undung; sada di Ho sada di si Musa jana sada nari di si Elia.” (Nada diboto si Petrus sanga aha na nidoknia i.)

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

PANGARATAION 34:10

Nada adong dope di Israel sada panurirang songon si Musa na paadop-adop mangkobari dohot Tuhan.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

MATEUS 17:4

Dung i didok si Petrus ma tu Jesus, “Tuhan, tabona i hita dison! Anggo ra do Ho Tuhan, hupajongjong ma dison tolu undung-undung. Sada ma i di Ho, sada di si Musa, sadanari di si Elia.”