MATEUS 17:22 - BIBEL JAMITA NA DENGGAN

²² Hatiha marlagut sude anak sisean ni Jesus di Galilea didok Jesus ma tu halahi, “Inda pola sadia honok nari, pasahaton ma Anak Ni Jolma i tu kuaso ni hajolmaon.

MATEUS 17:22 Referans Kwoze

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

MATEUS 17:23

Bunuon ni halahi ma Ia, tapi mulak mangolu do Ia di ari patoluhon.” Gabe marsak sajo ma angka siseanNia i.

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

MATEUS 26:46

Ngot ma hamu anso kehe hita. Ligi ma! Ma indi halak na manghianat i tu Au!”

MATEUS 24:10

Jadi anggo disi, bahat ma halak na so burju be tu Au.

MATEUS 16:28

Hudok ma tu hamu: Sasintongna sian tonga-tongamunu na adong dison, adong do na so giot mate anggo so jolo diida ia Anak Ni Jolma i ro songon raja di bagasan harajaanNia.”

1 KORINTUS 11:23

Angke na huajarkon i tu hamu, na hujagit sian Tuhan i sandiri do i: Di borngin i dompak dihianati Tuhanta Jesus, dibuat Ia ma roti,

MATEUS 26:16

Mamungka sian i, dijalahi si Judas ma hatiha na topet laho pasahatkon Jesus.

MATEUS 17:9

Hatiha manuat halahi sian dolok i, dipaingot Jesus ma halahi, “Salolot so dipangot sian na mate dope Anak Ni Jolma i, ulang paboa-boa hamu sanga na tu ise pe sanga aha na niidamunu nangkin.”

MATEUS 17:12

Tapi Hudok ma di hamu, madung ro nian si Elia, tapi nada ditanda halak ia. Gabe roha-roha ni halak ma mambaen sanga aha tusia. Laing songon i muse ma Anak Ni Jolma i manaon parhancitan sian halahi.”

LUKAS 9:43

Homang-komang ma sude halak marnida kuaso ni Debata na songon i godangna. Jadi hatiha homang-komang dope halahi marnida sude na nibaen ni Jesus i, didok Jesus ma tu angka siseanNia i,