MATEUS 17:1 - BIBEL JAMITA NA DENGGAN

¹ Dung onom ari, dioban Jesus ma si Petrus dohot si Jakobus dohot angginia si Johannes tu puncut ni sada dolok na gincat. Hum halahi sajo do disi.

MATEUS 17:1 Referans Kwoze

MATEUS 26:37

Dung i dipiohon Ia ma anso dohot si Petrus rap dohot anak ni si Zebedeus na dua i kehe rap dohot Ia. Mamungka ma idaon marsak Ia disi, susa sajo.

MARKUS 5:37

Ditoruskon Jesus ma mardalan. Tapi inda dipatola Ia sanga ise mangihutkon Ia asing ni si Petrus, si Jakobus dohot si Johannes anggi ni si Jakobus i.

2 PETRUS 1:18

Hami bege sandiri do sora i ro sian banua ginjang hatiha i di na rap hami dohot Ia di ginjang ni dolok na badia i.

2 KORINTUS 13:1

Patolu-nolihonon ma ro au mandapotkon hamu. Di Buku Na Badia i adong do tarsurat, “Sanga na parkaro aha pe na niaduhon, angkon adong do dua sanga tolu saksi na patorangkon, baru pe anso sah parkaro i.”

LUKAS 8:51

Dung lalu Jesus tu bagas ni si Jairus, nada dipatola Jesus umpe sahalak masuk rap dohot Ia; hum si Petrus, si Johannes, si Jakobus dohot natoras ni dakdanak i sajo ma na dipaloas masuk.

MATEUS 17:2

Gabe muba ma tompa ni Jesus di jolo ni halahi: Gabe torang songon mataniari bohiNia i. PakeanNia pe gabe marsinondang songon hatorangan.

MARKUS 13:3

Dung lalu halahi tu Dolok Zetun, juguk ma Jesus di sada juguhan na topet paadop-adop dohot Bagas Ni Debata. Dung i ro ma si Petrus, si Jakobus, si Johannes dohot si Andreas giot mangkatai dohot Ia.

2 PETRUS 1:16

Di na hami patorang sanga songon dia hasangapan ni Tuhanta Jesus Kristus di haroroNia tu hamu, nada sian turi-turian na dibaen ni jolma hami baen hatorangan i. Na dung hami ida do dohot matanami sandiri hasangapan ni Kristus i.