MATEUS 16:6 - BIBEL JAMITA NA DENGGAN

⁶ Didok Jesus ma tu halahi, “Manat-manat jana jamot ma hamu adop ragi ni angka Parise dohot Saduse i.”

MATEUS 16:6 Referans Kwoze

LUKAS 12:1

Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

GALATIA 5:9

“Gabe kombang do sude adonan i hara ni ragi na saotik sajo.”

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

MATEUS 16:12

Ujungna gabe diboto halahi ma astuan ni na nidokNia i. Disuru Jesus pe halahi manat-manat nada na mandok taringot tu ragi na nipake laho mambaen roti. Tapi taringot tu pangajaran ni halak Parise dohot Saduse do.

HAMALIMON 2:11

Nada tola mamake ragi sanga aer ni loba tu angka panganon sisombahonon tu Tuhan.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

MATEUS 16:1

Ro ma halak Parise dohot halak Saduse mandapotkon Jesus. Na giot manjalak-jalahi hasalaan ni Jesus do roha ni halahi. Dipangido halahi ma anso dipataridahon Ia sada tanda sian banua ginjang.

MATEUS 16:5

Hatiha taripar angka anak sisean ni Jesus i, lupa do halahi maroban roti.

MATEUS 16:7

Marpikir-pikir ma halahi, marsipandohan ma angka anak sisean ni Jesus i na sada tu na asing, “Hara ni na so taoban i do roti, umbaen na nidokNia songon i.”

MATEUS 16:11

Biasi jabat songon i nada mangarti hamu, na so taringot tu roti do na Hudok? Manat-manat ma hamu mida ragi ni halak Parise dohot Saduse!”

JOHANNES 4:33

Dung i mamungka ma sisean i marsisapaan sama halahi, “Na adong do halak maroban panganon diSia?”