MATEUS 16:3 - BIBEL JAMITA NA DENGGAN

³ Dung manyogot didok hamu ma, ‘Ah, ro do udan annon, harana rara do langit boti holom.’ Anggo manjujur ari sian na mangaligi langit malo do hamu, hape anggo manjujur na masa di hatiha on, nada malo hamu!”

MATEUS 16:3 Referans Kwoze

LUKAS 12:56

Hamu angka pangalancap! Diboto hamu do mangaligi tanda-tanda di langit an dohot di tano on. Biasi nada tarbaen hamu marnida angka tanda ni hatiha on?”

LUKAS 13:15

Dialusi Tuhan i ma kapala ni bagas paribadatan i songon on, “Angka pangalancap do hamu! Nada he dipalua hamu do lombu dohot halodemunu sian barana di Ari Sabat jana dioban hamu tu balian, mangaleheni minum?

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

MATEUS 23:13

“Marjaya ma hamu angka Siboto Surat dohot halak Parise! Angka pangalancap do hamu. Disundati hamu do halak na markagiot gabe rayat di Harajaan Ni Banua Ginjang. Hamu sandiri so ra gabe rayat ni Harajaan i. Muda adong halak na giot masuk tusi, hape dihalang-halangi hamu. [

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 15:7

O hamu angka pangalancap! Tutu do na nidok ni si Jesaya hian taringot tu hamu, di na nidoknia,

MATEUS 7:5

O pangalancap! Paruar ma jolo balok na di matami sandiri, baru pe anso tangkas ho mangaligi. Dung i tarparuar ho ma bancir-bancir na di mata ni halak na asing.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.